=KTML_Bold=یەکێک لە هۆکارە سەرەکییەکانی سەرهەڵدانی بۆنی ناودەم لە کاتی ڕێجیمدا بۆ ئەوە دەگەڕێتەوە، کە وەکوو پێویست گرنگی بە پاکوخاوێنی ددانەکانت نادەی.=KTML_End=
لە ڕاستیدا کاتێک ڕێجیم دەکەیت، ناودەمت زۆر زیاتر وشک دەبێت و وشکیی ناو دەمیش هۆکارە بۆ ئەوەی دەمت بۆنی بێت و پێویستە زیاتر گرنگی بە خاوێنیی ناودەمت بدەیت، یەکێک لە کارەکان، کە پێویستە ئەنجامی بدەیت، شۆردنی ددانەکانتە پێش خەوتن، ئەگەر ددانی دەستکردیشت هەیە بە هەمان شێوە دەبێ بیشۆی و پاکی بکەیتەوە.
هەندێک لەو خۆراکانەی بۆنی ناودەم ناخۆش دەکەن، بریتیین لە: پیاز و سیر و بەهاراتە تیژەکان، هەوڵ بدە شەوان ئەم خۆراکانە نەخۆی و وا باشترە جگەرە نەکێشیت، چونکە جگەرە کاریگەریی هەیە لەسەر وشکبوونەوەی ناو دەم. بەدرێژایی ڕۆژ هەوڵ بدە هەموو جارێک ناودەمت تەڕ بکەی و بە ئاو بیشۆی، بەم کارە هەم ڕێگری دەکەی لە وشکبوونی ناودەمت، هەمیش ئەو بەکتریایانەی ناودەم، کە زیان بە پووک دەگەیەنن و هۆکاریشن بۆ وشکیی دەم. [1]