ئاروٙ خورماڵ قەڎرش گیٛرت جە قەڵەمی
نویستەی: ئیبراهیم میکە عەلی
ئارۊ ڕاوڕەسمێوە شایستەنە و بە ئاماڎەبېیەی ئەژمارېوە جە هەواڎارا و دۊسا ماریفەتی، بەشەو ڕۊشنویریی و هونەرو خورماڵی و دەسېوە جە جوانە ۋنگەرمەکاو خورماڵی، هەیوانەو بۊنەکانە قەڎرشا گېرت جە ئەژمارېوە بنویسا و هۊرگېڵناو مەحاڵەکەی، چڼ ئەرەمەرزیا و ڕېکوزیێ سەربەویۍ و حکومەتیېو و حیزبیۍ و نمایەندۍ حزبە سیاسیەکاو مەحاڵەکەیچ قەڎرزانای وېشا پەی بنویسەکا بەروست و سەوقاتیی و دەسوەشانەو وېشا بەرشا وست پەیشا و سەوقاتییەکېشا ڕاسەوڕاس دێ پەنەشا.
بەڼەیچ یۊ بېنۍ چا بنویسا هەکە قەڎر گېریایمۍ و سەرو داواو بەشەو ڕۊشنویریی و هونەرو خورماڵی، جیای گردو بنویسە خەڵاتکریایەکا وتارێوەم بە زوانی هۆرامیی واناوە و دەسوەشیی بەشەو ڕۊشنویری و هونەرو خورماڵی و ئا ڕېکوزیا و کەسامە کەرد هەکە قەڎرو وېشا پەیما بەرۋست.
هەر پاسە وتارەکېنە پەنەزانای و دەسوەشیم کەرد ئەو بوانە وەشەسیایا هەکە بە ئەوەوانایشا پەی بەر ویرەکاما قەڎر جە مانیای و زەحمەتەکا بنویسی گېرا.[1]