ڕۊ ژەنا
هەر پېسە مزانمۍ جە دنیاو ئارۊینە تاکە ڕوێ نریانەرە پەی یاڎو ژەنا، پەی ۋینای ژەنا پېسە ئینسانێ تەماموو خاوەن مافی، بەڵام ژەنی پا گردو دوڵەمەڼیاشۆ، پا گردو وەشەویسی و سوز و جوانیشۆ، پېسە ئەڎێ، پېسە هامسەرۍ، پېیە واڵۍ هەرگیز بە یەک ڕۊ مافش نمەدریۊ، هەرگیز وینگاو ئینسانی قودرەتو ئانەیشە نېیەن هەکە ئا گردو جوانیا، بەها بەرزا، نیمەو دنیێ، جە یەک ڕۊنە گوزارشت کەرۊن، ژەنی گرڎ ساتێ، گرڎ ڕوێ گۆرېنەو مافش سرووشتین و ئېمە مەشۊم ئا مافا پاشېل نەکەرمۍ، نەک خەڵاتشا کەرمۍ.
حەیفا پەی یاڎوو ژەنەکا
جە ساڵێنە
تەنیا یەڪ ڕۊ ,تەرخان ڪریۊ
ژەنی سەرچەمەو
بېیەو و نەبېیەی , گیردیمانه
ژەنی هېماو
وەشەویسی و ئاشتیەنە،
ڕاو ژیواینە.
ژەنی ئارۊ
مەدرەسێنە
پەی فێېبېیەی بەرخوڎانی
بە تەنیایی ,قەڵەمێنە
پەی نویستەی
ئازارەڪاو نیشتمانی
چراوێوە پەڕ شەوقەنە
پەی ڕۊشنایی
ئیی شەواما
پەی زیندەگی
پەی ئازاڎی و مدرامانی.
خالید_ڕەسووڵی (ڪەشەوان) . [1]