دادگاى فیدڕاڵى ئێراق، لە وەڵامى بەرپرسانى هەرێمى کوردستان لەسەر هەڵوەشانەوەى پەڕڵەمان ئاماژەیان بەوەکردووە، تاکە ڕێگە ئەوەیە سەرۆکى هەرێم لەگەڵ کۆمیسیۆنى بەغدا ڕۆژى هەڵبژاردنى پەڕڵەمانى کوردستان دیاریبکەن.
دواى سەردانى #فوئاد حسێن#، بە نوێنەرایەتى سەرۆکى هەرێم بۆ لاى سەرۆکى دادگاى فیدڕاڵى لە بارەى بڕیارى دادگاکەوە تایبەتە بە هەڵوەشانەوەى تەمەنى خولى پێنجەمى پەڕڵەمانى کوردستان، سەرۆکى دادگا داواى لە #نێچیرڤان بارزانى#، سەرۆکى هەرێم کردووە بە هەماهەنگى لەگەڵ کۆمیسیۆنى باڵاى سەربەخۆى هەڵبژاردنەکانى ئێراق ڕۆژى ئەنجامدانى هەڵبژاردنى پەڕڵەمانى کوردستان دیاریبکەن.
سەرۆکى دادگاکە بە فوئاد حوسینى ڕاگەیاندووە، بڕیارى دادگا لە بارەى پەڕڵەمانى کوردستان ڕوونە و تاکە ڕێگە لە بەردەم هەرێم ئەوەیە بە فەڕمى داوا لە کۆمیسیۆنى بەغدا بکات دەستبکەن بە ئەنجامدانى ئامادەکارى بۆ هەڵبژاردنى داهاتووى پەڕڵەمانى کوردستان. [1]