بیژەن کامکار هونەرمەندێ ستران بێژ و ئەندامێ گروپا موزیکا #کامکاران# ل روژا #18-12-1949# ل باژێڕێ #ورمێ# یا روژهەلاتێ کوردستانێ ژدایک بوویە پشتڕە ژبەر کوو کارێ بابێ وێ هاتە ڤەگوهاستن ژبو باژێڕێ #سنە# لوێرێ دێ نیشتەجێ بن و پشتڕە خوەندنا خوە یا سەرەتایی یا موزیک و سترانا کوردی لدەف #حەسەن کامکار#ێ بابێ خوە فێر بوویە، پشتڕە ل ساڵا 1974 ژبو خوەندنا هونەرێ شێوەکاری یێ ل کولیژا هونەرێن جوان یا زانینگەها تەهرانێ ناڤێ وی هات. ئێک ل ئەندامێن دامەزرێنەرێ گروپێن سەرکەتی یێن د بوارێ موزیکێ دە شەیدا و عارف و هەروەسا یێک ل ئەندامێن سەرەکی یێ گروپا موزیکا کامکارانە و ب هێز و کارینەکە باش ڤە ئامیرێن تار، قەیچەک، دەف، دەهۆڵ، ڕوباب و زەرب دژەنیت.
بیژەن کامکار هەروەسا بەدەنگێ خوەشێ خوەڤە چەندین ئەلبوومێن موزیک و سترانا تەڤی گروپا موزیکا کامکاران، گروپا موزیکا شەمس و گروپێن دن یێن موزیکا فولکورییا ئیرانی تومار بەڵاڤ کرینە، ژوانا: زەردی خەزان، کۆنسێرتا کامکاران، ئاگرێ زیندی، گوڵ نیشان، دەف و نەی، دەف و ڕوباب، کانی سپی، سەمای زەربییەکان ژبو ئامیرێن دهۆڵی ، بیرهاتنا سەبا، ئەوراد، بەهارێن ئاوییەر، ئاوازا بارانێ، سێڤا سوور، افسانە سرزمین پدری من واتە ئەفسانەیا وڵاتێ بابینیا من، بیرهاتنا حافز و چەندین ئەلبوومێن دن یێن ستران و موزیکێن دن.
بیژەن کامکار ئێکەمین کەس بوویە ل وڵاتێ ئیرانێ کو ب شێوەیەکێ پیشەیی ئامیرێ دەف برە دناڤا گروپێن موزیکی یێن فولکلوری یێن ئیرانی، هەروەها تەڤی چەندین هونەرمەندێن بەرنیاس وەکە #شەهرام نازری# و محەمەد ڕەزا شەجەریان و گروپا موزیکی یا کامکاران، ل زوربەیا وڵاتێن جیهانێ دە کۆنسێرتا موزیک و سترانا کوردی و فارسی پێشکەش کرینە و زور ب باشی و سەرکەتییانە کاری جهێ ئامێرێ عیرفانی و هونەری یێ دەفێ، لناڤا دلێ موزیکا ئیرانیدە بکەتن.[1]