ژمارە (حۆت) دلۍ ئایینە کۊنەکا سەرزەمینو کوردەوارینە:
جە لاو میترائیەکاوە ژمارە حۆت (7) فرە پیروزەن، پەی نموونەی ماچان: (حۆت ئاسمانۍ، حۆت چینۍ زەمینی، حۆت هەسارۍ، حۆت پایۍ و حۆت بەرۍ و حۆت تاقۍ دلۍ پەرەسگاینە) ، دیسان پلە دیینیەکېشان حۆتەنۍ پی ناما (قاڵاوە سېیاوە، هامسەر، سەرباز، شېر، ئاییندار، پەیکو ڕوجیاری، پیر) .
(ئەشمەسپەندان- جاویدانی پیروز) جە لاو زەردەشتیەکاوە حۆتەنۍ کە (ئاهورامەزدا و ئا شش فریشېنۍ کە هەمیشە چېر فەرمانېشەنۍ) .
ڕاو ڕەچەو یارسانی (حۆتەن و حۆتەوانە و حۆت خەلیفە) شان هەنۍ، (حۆتەن) حۆت تەنۍ جاویدانی، ئانېنۍ کە ڕوحو خوڎایشا دلېنە جاگیر بېیەن و سەرتاسەرو تەمەنو دنیێ ڕوحشا ئینا گېڵەنە، پەیشان هەن دلۍ (تەن- جسم) ینە وېشان بەرۋزان، (حۆتەوانە) کوڕەکۍ (سان سەهاک) ینۍ، حۆت خەلیفېچ دلۍ حەفتا و دوۍ پیرانە بە فەرمانو سان سەهاکی هۊرچنیێنۍ پەی ئانەی بە سەرپەرەشتی داودی با بە دەلیلۍ یارسانەکا.[1]