بەرکۆتەو (خوڎا) ی دلۍ ئایینە کۊنەکا سەرزەمینو کوردەوارینە:
خوڎا بە چن تەرزۍ جېیاوازۍ دلۍ ئایینە کۊنەکانە بەرمەگنۊ، دیارەن ئایینە کۊنەکۍ فرېشان یاگۍ زیایشا و گەشەکەردەیشا فرەتەر دلۍ کەشە سەختەکا هۆرامانینە بېیەن.
لاو میترائیەکاوە، میترا (میهر) بەرکۆتەو تەمامو خوڎایەن و گردو خەسڵەتەکا خوڎایش چەنەنۍ.
زەردەشتیەکۍ باوەڕشان پاسنەن کە (ئاهورامەزدا) بەرکۆتەو تەمامو خوڎایەن، (میهر) یچ یۊن جە (یەزد) ە پیروزەکا و سالارو ئا داڎوەرانە کە سەرو (پردەو جینوەت) یۆ داڎگایی ڕوحەکا کەران.
یارسانەکېچ باوەڕشان چامنەن کە (حەزرەتو عەلی کوڕو ئەبو تالیبی) بەرکۆتەو تەمامو خوڎایەن، پانەی ڕوحانییەت و جسمانییەت چەنەش جاگیر بېیەن و بە (میهر عەلی) نامش بریۊن.[1]