ناڤ: مهاباد
ناسناڤ: مهاباد قەرەداغی
جهێ ژدایک بوونێ: کفری
روژا ژدایک بوونێ: 22-01-1966
روژا وەغەرا داوی: 09-10-2020
ژیاننامە
ل 22-01-1966 و ل ساڵیادا دامەزراندا کۆماری کوردستانێ ل باژێڕوکێ کفری یا سەر ب پارێزگەها کەرکووکا باشوورێ کوردستانێ ژدایک بوویە، بەر هندێ ناڤێ وێ کرییە مهاباد.
1978 ل تەمەنێ 12 ساڵی ڤە دەست ب نووسینا هەلبەستان کرییە.
1980 ل ئادارا ڤێ ساڵێدە ئێکەمین بەرهەمێ هەلبەستێن خوە ل هەفتەنامەیا هاوکاری بەلاڤ کرییە.=KTML_Photo_Begin=https://www.kurdipedia.org/files/relatedfiles/2009/2149/0023.JPG=KTML_Photo_Alt=مەهاباد قەرەداغی=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2009/2149/0023.JPG=KTML_Photo_End=
1980 ل 27ێ نیسانا هەمان ساڵێدە ژئالێ ڕژێما بەعسڤەدهێتە دەستەسەر کرن. ل ئەشکەنجە خانەیێن ئەمنا کفری ڤە ژبو بەعقوبە و لوێرێ ژی بو زەعفەرانییە وپشترە ژبو ئەمنا عامەیا بەغدایێ هاتە ڤەگوهاستن.
1981 ل دادگەها سەورە ل بەغدایێ حوکمێ ساڵەک زیندانی کرنێ بسەردا هاتە سەپاندن.
1982 ل ڕێکخستنێن نهێنی یێن کۆمەڵەیا ڕەنجدەرێن کوردستانێ درێژە بە تێکۆشانا سیاسی ددەت. ل ڕوژنامە و گۆڤارێن دناڤا باژێردا بناڤێ مەاباد قەرەداغی هەلبەست و نڤیسینێن خوە بەلاڤ دکرن، ل گۆڤارێن شاخیش ب ناسناڤێ هەتاو گەرمیانی، ژاڵە، بەردەوام، ئاڵا و.... نڤیسین و هەلبەستێن خوە بەلاڤ کرن.
1984 ل پەیمانگەها هونەریا کەرکووک، پشکا ژمێریاری دهێتە وەرگرتن و ل 1987 ێ باوەڕناما خوە وەردگریت.
1985 ئێکەمین کۆڕا هەلبەستان ل هەڤلێر و سلێمانی پێشکەش دکەت و بۆ ئێکەمین جار ل تەلەفزیۆنا کوردیا کەرکووک چاڤپێکەوتنەکە ئەدەبی دگەلدا دهێتە سازدان.
1991 ل کونگرەیا ڕاپەڕینێدە دبیتە ئەنداما یەکێتی یا نڤیسەرێن کورد.
1992 دگەل مستەفا گەرمیانی هەلبەستڤان و نڤیسەر ژیانەکە نوو پێک دهینیت.
1993 دێ بەرەڤ وڵاتێ سویدێ کۆچ بکەت و لور نیشتەجﮪ دبیت.
1994 دەست ب چاپکرنا بەرهەمێن خوە دکەتت کو چەندین پەرتووکێن شیعر و چیرۆک و لێکۆلین و ڕۆمان بوونە و ل سەردەمی بەعسدا لبەر سانسۆر نەدهاتن چاپ کرن.
1998 بەرنامەیا پانۆراما ل تەلەفیزیۆنا میدیا ئامادە و پێشکەش دکر.
1999 ل یەکێ حوزەیرانا وێ ساڵێدە کەچا وێ بناڤێ شاکار ژدایک دبیت.
2001 دگەل دوو خانمێن تردا شنە هیدایەتی و مونیرە موفتیزادە، ڕێکخراوا پڕۆژەیا ژنا کورد دادمەزرینن و داخوازینامەیا ژنا کورد بەرهەم دهینن و چەندین کۆنفرانسێن نەتەوی و نێڤنەتەوەی ژبو ساز دکەن کو دەستپێکا ڕاگەیاندنا وێ ل هۆڵەکە پەڕڵەمانێ بریتانیا بڕێڤەچوو.
2003 دەبیتە ئەنداما یەکیتی نڤیسەرێن سوید.
2004 ل باڵەخانەیا پەڕڵەمانی کوردستانێ کۆنفرانسا 'داخوازینامەیا ژنا کورد' ساز کر و داخوازینامەکە پێشکەشی پەڕڵەمان و حکومەتا هەرێما کوردستانێ کر.
2004 کۆلێژا پەروەردەیا زانینگەها ستۆکهۆڵم تمام کر.
2005 لسەر داخوازیا سەروک وەزیران نیچیرڤان بارزانی دڤەگەڕتە کوردستان و دبیتە ڕاوێژکارا سەروک وەزیران بو کاروبارێن ئافرەتان و یەکسانی. ب پڕۆژەیا سیاسەتا یەکسانی و دامەزراندنا دەزگەهێ یەکسانی ل ئەنجوومەنا وەزیران دەست بکار دبیت.
2008 دبیتە ئەنداما لیژنەیا باڵایا هەموارکرنا یاسایا بارێ کەسێتی ب بڕیارا سەروکێ ئەنجوومەنا وەزیران.
2010 دبیتە ئەندامێ دەستەیا باڵایا یەکێتیا نڤیسەرێن کورد.
2012 دبیتە ڕێڤەبەرا پەیمانگەها یەکێتی یا ئافرەتێن کوردستانێ بو پرسێن کۆمەڵایەتی.
2013 دەست ب پڕۆژەیا گۆڤارا هزری وەرزیا شیکار دکەت و د هەمان پەیمانگەهێ ژمارە سفر ل 25 ێ نۆڤەمبەرێدە چاپ و بەلاڤ دەبیت.
2013 پشکا ئینگلیزی ل کۆلیژا پەروەردەیا زانینگەها سابیس تەمام دکەت.
2018 دبیتە ئەنداما دەستەیا ڕێکخراوێن جەماوەری و پیشەیی یێن پارتی دیموکراتی کوردستان.

مهاباد قەرەداغی ژبلی زمانێ دایک ، زمانێن عەرەبی، سویدی، ئینگلیزی و تورکی و هەیا ڕادەیەکێش فارسی دزانیت.
بەرهەمێن چاپکری یێن مەهاباد قەرەداغی:
هەلبەست
-نەخشەی دواڕۆژ- 1991 کوردستان
- پانۆراما- 1993 سوید
- شاخ کێڵگەی گەنمەشامییە/ 1994 سوید
- میدالیا/ 1995 سوید
-هاژەی ڕۆح- 1997 کوردستان
- باڵندە بەفرەکان/ بە زمانی سویدی/ 1998 سوید
-دیوانی مەهاباد قەرەداغی/ 2013 کوردستان.
ژانری چیرۆک، ڕۆمان و بیرەوەری:
- کۆچ/ ڕۆمان/ 1993 سوید
-ئەڤین ئاوی ژیانە/ ڕۆمانە شیعر/ 1996 سوید و کوردستان
-مەرگی مرۆڤ و نیوێک/ کوورتە چیرۆک/ 2004 کوردستان.
-ساڵێک لە دۆزەخ/ بیرەوەری زیندان/ 2005 کوردستان.
-چلچرا/ بیرەوەری/ 2006 / کوردستان.
-زەنگدانەوە/ ڕۆمان/ 2007/ کوردستان.
-لەتێ پیاو/ کوورتەچیرۆک/ 2012/ کوردستان.
-فاتیلا/ ڕۆمان/ 2017/ کوردستان.
لێکۆلین:
-لەپێناوی ژیانەوەی ئافرەتدا/ 1994 سوید.
-ئازادکردنی مێژوو/ 2002/ سوید و کوردستان.
-شەرەفنامە، شەرف کۆدێکە بۆ کۆیلەکردنی ژن/ 2003 سوید و کوردستان.
-زمان، ڕامان و ناسنامە/ 2005 کوردستان
-کارەساتی ئەنفال، کاریگەرییە دەروونی و کۆمەڵایەتییەکانی/ 2003 سوید.
-ژن و کۆمەڵگە لە قۆناغی باڵندەیی شێرکۆ بێکەسدا / 2004 کوردستان.
-وشەباران/ دیداری ڕۆژنامەوانی/ 2011/ کوردستان
-لە فێمینیزمەوە تا هیومانیزم/ 2013 کوردستان
-ئافرەتیزم، مێژووی سەدساڵ تێکۆشان بۆ مافی یەکسان لە باشووری کوردستان/ 2018 کوردستان.
وەرگێڕان:
-شیعر هەناسەی گەردوونە/ هەڵبژاردەیەک لە شیعری هاوچەرخی جیهان/ 1995 سوید.
-دانپێدانانێکی پیاوانە/ هەڵبژاردەیەک لە چیرۆکەکانی د. نەوال سەعداوی/ 1996 سوید.
-نانی ژەهراوی/ شانۆنامە لە نووسینی ڤیسیلین هانچێڤ/ 1996 سوید.
-جینۆساید/ هۆلۆکۆست، کۆکوژی جوولەکەکان لەلایەن ئەڵمانیای نازییەوە. نووسینی: ئارێل هوروتز. 2017 کوردستان.
-جینۆساید/ کۆمەڵکوژی لە خاکی هەزار گرددا، ڕواندا 1994. نووسینی بنیامین نیوبێرگەر. 2018 کوردستان.
-جینۆساید/ کۆمەڵکوژی ئەرمەنەکان، لە یادکراو و نکۆڵیلێکراو. نووسینی پڕۆفیسۆر یایر ئاورۆن. 2018 کوردستان.
-جینۆساید/ ڕامان لە وێنانەکراو، ڕووە تیۆرییەکانی لێکۆڵینەوە لە جینۆساید. نووسینی: یایر ئاورۆن. 2019 کوردستان.
پەڕتووکێن پەروەردەیی:
-گەرمیان
-باوەگوڕگوڕ
-دیلان
پەڕتووکا خوێندنەوە بۆ فێربوونی قوتابییانی کورد لە سوید.

مەهاباد قەرەداغی ل ڕوژا ئینێ ڕێکەفتا 09-10-2020 ب نەخوەشی وەغەرا داویێ کر.
[1]