ناڤ: نەوشێروان
ناسناڤ: کاکە نەوە
ناڤێ باب: مستەفا
جهێ ژدایک بوونێ: #سلێمانی#
جهێ وەغەرا داوی: سلێمانی
ساڵا ژدایکبوونی: 1944
ڕوژا وەغەرکرنی: #19-05-2017#
$ژیاننامە$
نەوشیروان مستەفا سەرکردەیەکە و ڕامیار و نڤیسەر و توێژەرەکێ گەلی کورد بوویە.
ل ساڵا 1944 ل تاخا سەرشەقام (بەرخانەقا) یا باژێڕێ #سلێمانی# ل ماڵباتەکە بەرنیاس و ڕەوشنبیرا ئەو باژێڕەی ژدایک بوویە.
ل ساڵێن شێستا یا سەدەیا بووهری دەست ب کار و چالاکی یێن سیاسی کرییە، ئێکەم وێستگەها ژیانا سیاسیا وی ژی #یەکێتی قوتابی یێن کوردستان#ێ بوویە.
قوتابخانەیا سەرەتایی و ناڤەندی و دواناڤەندی ل باژێڕێ سلێمانی تمام کرییە، پشترە ل ساڵا 1967 دە کولێژا زانستێن سیاسی ل زانینگەها بەغدایێ تمام کرییە و ل زانینگەها ڤیەننا درێژە ب خوەندنێ دایە بەلێ بەر خاتر گەلێ خوە ساڵا 1975 کەنارێن دانوب بجێ دهێلیت و دەستبەردارێ خوەندنا دکتۆرایا خوە دبیت و دەچیتە ژینگەهێ سەختێ چیایێن کوردستانێ و تەڤی هەڤالێن خوە شۆڕەشا بەرخوەدانێ دەست پێدکەن و دبیتە کەسێ دووهەمێ شوڕەشێ و کەسێ دووهەمێ #یەکێتی نیشتمانی کوردستان#.
پشتی کوو هێزێن پێشمەرگێ کوردستانێ ڤەدکێشنەڤە، دەست دکەت ب بلند کرنا مۆڕالا خەلک و پلان ژبو ڕاپەڕینێ دادنا کو پاشتر سەرگرت و باشوورێ کوردستانێ ل هێزێن چەپەڵێن بەعس ڕزگار کرن. هەر لبەر هندێش ب نەوشیروان مستەفا دبێژن (ئەندازیارێ ڕاپەڕینێ) .
پشتی ڕاپەڕینێ هەوڵەکە زۆر ددەت ژبو هندێ کوو حوکمەتەکە دادپەروەرانە درووست ببیت ل باشوورێ کوردستانێ لێ بەلێ لبەر هندێ کوو سەرکەفتی نابیت توڕە دبێت ل هندەک ڕامیارکارێن بەرژەوەندی خواز و دچیتە لەندەن و لەوێرێ مژویلی نڤیسینا چەند پەرتووکەکان دبیت.
ل کوتاییا ساڵێن نەوەتان دە لسەر داوایا خەلک و سەرکردە، دڤەگەڕێتە کوردستانێ و وەکە سەکرەتێرێ یەکێتی بەردەوام دبیت و هەوڵەکە زور ژبو چاکسازیێ ددەت دناڤا یەکێتی دە، بەلێ لبەر کوو سەرکەفتی نابیت ب تمامی واز ل یەکێتی هینا و #بزووتنەوەیا گۆڕان# دامەزراند و هەیا کوتاییا ژیانا خوە ژی بەردەوام بوو ل بەرنگاربوونا گەندەڵیێ و هەوڵدان ژبو چاکسازی و خزمەت کرنا خەلک.
چەندین پەرتووک هەنە ژوانا (کورد و عەجەم، حکومەتی کوردستان، لە کەناری دانوبەوە بۆ خڕی ناوزەنگ، کورد لە گەمەی سۆڤێتیدا، پەنجەکان یەکتری ئەشکێنن، ژیانی بە تەمەنترین ڕۆژنامەی کوردی لە 1926-1983) .
ڕوژا 19-05-2017 ل ماڵا خوە، ل باژێڕێ سلێمانی، وەغەرا داویێ کر و ل مەرامسیمەکە کەم وێنە ل دیروکا گەلێ کورد دە، د ناڤا ئاپۆڕایا خەلکی دە، ل گردێ زەرگەتە یا باژێڕێ سلێمانی هاتە بخاک سپاردن.[1]