وا بڕیارە، دوای کەمێکی دیکە، شاندێکی مەکتەبی سیاسی پارتی، سەردانی مەکتەبی سیاسی یەکێتی بکەن لە سلێمانی و لەسەر پرسی هەڵبژاردن گفتوگۆبکەن.
سەردانی شاندەکەی پارتی بۆ لای یەکێتی، دوای بانگەوازەکەی #مەسعود بارزانی# سەرۆکی پارتی دێت کە داوایکرد بەر لە 18ی ئەو مانگە حیزبەکان کۆببنەوە.
شاندی پارتی، لەگەڵ یەکێتی گفتوگۆی لەسەر بابەتی هەڵبژاردن دەکەن کە تا ئێستا بەهەڵواسراوی لەنێوان یەکێتی و پارتی ماوەتەوە. کە گرنگترینیان پرسی کورسی کۆتای پێکهاتەکانە.
شاندی پارتی پێک دێن لە هەریەک لە #پشتیوان سادق# و مەحمود محەمەد و ڕێبوار یەڵدا و #هێمن هەورامی# و جەعفەر ئیمینکی و عەلی حسێن، دەیانەوێت لەگەڵ یەکێتی لەسەر سەرجەم پرسەکانی هەڵبژاردن ڕێکبکەون تا بتوانرێت یاسای هەڵبژاردن هەموار بکرێتەوە.
دوای ئاسایی بوونەوەی پەیوەندییەکانی نێوان یەکێتی و پارتی لە هەفتەی ڕابردوو و گەڕانەوەی تیمی یەکێتی بۆ کۆبوونەوەکانی ئەنجوومەنی وەزیران ئەمە یەکەم کۆبوونەوەی حزبی نێوان هەردوو لایە لەسەر ئاستی مەکتەبی سیاسی. [1]