لاهور شێخ جەنگی ساڵا 1975 ل باژێڕوکێ #کۆیە# ژدایک بوویە و ساڵا 1984 تەڤی ماڵباتا خوە بەرەڤ دەڤەرا گوێزیلە چووینە و پشکدارێ راستەڕاستێ شۆڕەشا نو یا گەلێ کورد بویە، پشتڕە ڤێ دەڤەرێ چول دکەن ب ئەگەرێ بۆردوومانا خوەندنگەها وانا. ماڵباتا وانا بەرێ خوە دا وڵاتێ ئێرانێ و لاهور شێخ جەنگی بو ماوێ دوو ساڵان ل باژێڕێ #ورمێ# درێژە ب پڕۆسا خوەندنا خوە دایە، ل ساڵێن نۆهەدان دچیتە وڵاتێ بەریتانیا و لور درێژە ب خوەندنا خوە ددەت و خوەندنا ئامادەیی ل کرۆفتۆن پارک تمام کرییە و پشتڕە خوەندنا ل بوارێ کارگێڕی کاردا ل زانینگەها گرین ویچ تمام کرییە.=KTML_Photo_Begin=https://www.kurdipedia.org/files/relatedfiles/2010/3845/0022.JPG=KTML_Photo_Alt=لاهور شێخ جەنگی=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2010/3845/0022.JPG=KTML_Photo_End=
ل ساڵا 1999 بۆ 2002 جێگرێ نونەرێ یەکێتی بییە ل تورکیا، پشتی هاتنا وی ژبو کوردستانێ بەردەوام ل نزیک #مام جەلال# بییە.
ل هێرشا سوپایێ ئەمریکا ژبو ژناڤ برنا ڕژێما بەعس و پرسا بەرەنگاربوونا تەرورێ بەردەوام لگەل هێزێن ئەمریکا کار کرییە.
ل پشتی سەرهەڵدانا گروپا تیرۆریستیا #ئەنسارولئیسلام#، هەماهەنگی دنێڤبەرا لاهور شێخ جەنگی و هێزێن ئەمریکا پتر دبیت
لە دوای پڕۆسەی ئازادیی عێراق، ب سەرپەرشتیا هێزێن دژە تیرۆر، ل کەرکووک و خورماتوو و ناوچەیێن دن بەردەوام بوویە ل دەرکرنا تەرۆرستان و ل پشتی ساڵا 2003 و ب پشتیوانیا مام جەلال و هێزێن هەڤپەیمانان، #لاهور شێخ جەنگی و بافڵ تاڵەبانی# بو پاراستنا #هەرێما کوردستان#ێ و بەرەنگاربوونا تەرۆرێ، هێزا دژە تیرۆر دادەمەزراند و هەر ب خوەژی پشکدارییا چەندین مەشق و ڕاهێنانێن هێزێن ئەمریکی کر ژبو شەڕێ دژ بە تەرۆریستان.
لسەر ئاستی حزبی، ل پشتی نەخوەش کەتن و وەغەرا داوییا جەلال تاڵەبانی، لاهور شێخ جەنگی، تەڤی بافڵ تاڵەبانی، ڕوڵا سەرەکی بینی دناڤا یەکێتیدا ، ل ڕۆژا#18-02-2020# لگەل بافڵ تاڵەبانی ب هەڤسەروکێن (#ی.ن.ک#)ێ هاتن هەلبژێراردن.
ل #08-07-2021# ژ ئالێ بافڵ تاڵەبانی ڤە کۆمەک گۆڕانکاری دناڤا یەکێتی دە هاتن ئەنجام دان و لاهور شێخ جەنگی ل هەڤ سەرۆکایەتیێ هاتە دورخستن و ل ڕۆژا 15ێ تەمووزێ تەڤایا دەسەڵاتێن وی لێ وەرگرتن و ل ڕوژا#02-11-2021# ل ئالێ بافڵ تاڵەبانی یێ سەرۆکێ یەکێتی نیشتمانی کوردستانێ ڤە، لاهور شێخ جەنگی ل یەکێتی هاتە دەرکرن.[1]