ناڤ: سەباح
ناسناڤ: دکتور سەباح
ناڤێ بابێ: عبێد
ساڵا ژ دایکبوونێ: 1950
جهێ ژ دایکبوونێ: #ئاکرێ#
$ژیاننامە$
ساڵا 1950ێ ل تاخێ چوستەیا ل دەڤەرا ئاکرێ ژدایک بویە، ساڵا 1957 هەیا 1963ێ خوەندنا خوە یا سەرەتایی کوتایی پێهینایە و ل قوتابخانا مەلایێ جزیری ل ئاکرێ، ساڵا 1965 ێ خوەندنا خوەیا ئامادەیی ل ئامادەیا غەربیە ل باژێڕێ موسڵێ تمام کریيه. هەلگرێ باوەڕناما دکتورایە ل بوارێ نەخوشیێن دەرونی ل ولاتێ دەنیمارکێ، سوید، نەرویج وهەرێما کوردستانێ یە و زمانێن کوردی، عەرەبی، ئینگلیزی، سوێدی و نەرویجی، دانمارکی ب باشی دزانیت. ساڵا 1967 ێ هەیا ساڵا 1973 ێ کولیژا پزیشکی کوتایی پێهینایە ل باژێڕێ #موسل#ێ و هەرر ساڵا 1967 پەیوەندی ب رێزێن ئێکەتیا قوتابیێن کوردستانێ و(پ.د.ک) و یەکێتییا لاوێن دیموکراتا کوردستانێ کریە و کادرەکێ ب هێز و چالاک بویە و هەر لوی دەمیدا چالاکیێن خوە ئەنجام داینە ب رێکا بەلاڤکرنا بەلاڤوک و دروشمێن پارتی و رێکخراوێ، وهەروەها پشکداربویە ل خوەپێشاندانێن11 ێ ئادارێ.
ل ئادارا ساڵا1973 ێ هاتیە دامەزراندن وەکە ئەفسەرێ ئێکێ پزیشک ل نەخۆشخانەیا ڕەشید ل بەغدا هەتا دوماهیکا 1975 .
ساڵا 1976ێ هەیا 1979بویە ئامر ل نەخوشخانا ئاکرێ یا عەسکەری ، ساڵا 1979 ێ هەیا 1980 ێ هاتیە ڤەگوهاستن ژبو باژێڕێ #کەرکووک#ێ کارێ خوە کریە ل پشکا دەرونی ل نەخوشخانا عەسکری ل کەرکووکێ، ساڵا 1980ێ هەیا 1983ێ ئامر بوویە ل وەحدا میدانا عەسکری پێش شەر دەست پێبکەت. ل ساڵا 1983 و1984 بویە جێگرێ ڕێڤەبەرێ پشکا دەرونی ل نەخوشخانا راشید ل بەغدایێ.
ل1985 هەیا 1987 ئامر فرقێ پزیشکی یێ لەشکرێ 8 بوویە. ل 1988 هەتا دەمێ ڕاپەرینا پیرۆز جێگرێ ئامر خەستەخانا لەشکری یا موسڵێ بوویە.
ل 1991 پلان دانەرێ راپەرینا پیرۆزبوویە. ل کۆنگرەیا 6ێ یا یەکێتیا قوتابیێن کوردستانێ ل ناڤپردان ل ساڵا 1970 بوویە ئەندامێ سکرتارییەتا قوتابیان هەیا کوو ساڵا 1973. رولەکێ بەرچاڤ هەبویە ژبو هاریکاریا هێزێن پێشمەرگەی ل #شوڕەشا ئەیلول#ێ ب رێکا هنارتنا دەرمان و کەرستێن پزیشکی بو دەڤەرا بادینان .
ل ئادارا ساڵا 1988 ێ و پشتی کیمیابارکرنا دەڤەرا #حەلەپچە# کارییە پلان و پەیوەندیێن خوە بەرهەڤبکەت ژبو سەرهەلدانێ. ل #11-03-1991# رۆلەکێ بەرچاڤ و ئاشکرا هەبویە ل سەرهەلدانا دەڤەرا ئاکرێ و #بەردەڕەش#. هەتا مەها 9 یا ساڵا1991ێ مورالا لەشکرێ عیراقێ و جاشا هاتە خار و ورە لێ نەما ل دەڤەرا ئاکرێ ورێکخستنێن پێشمەرگەی ل نیڤا دەڤەرێ دروست بوی ول دەمەکێ کورتدا ب ئەمرێ سەرۆک بارزانی ل رێیا جەنرال بابکر زێباری ڤە هێرش هاتەکرن لسەر دەڤەرا ئاکرێ وهاتە رزگار کرن.
ساڵا 1992 بەربژێر بویە بو ئەندامەتیا #پەرلەمانێ کوردستان#ێ ل خۆلا یەکێ. ل مەها 10 یا ساڵا 1992 قەستا دەرڤەی ولاتی دکەت بوولاتێ دانمارک ، لور باوەڕناما بۆرد ( دکتورا) ل بوارێ دەرونی بدەست خوە ڤە ئینایە[1].