هەڵوەرینی برژانگەکان هۆکاری زۆری هەیە، وەکوو سووتان، بەکارهێنانی دەرمانی کیمایی، هەندێک نەخۆشی یان خوی ناتەندرووست، بەڵام چەند ڕێگەیەک هەیە یارمەتیدەرە لەوەی بە زویی برژانگەکانت درێژ ببنەوە.

=KTML_Bold=1. زەیتی زەیتون=KTML_End=
ڕۆڵێکی کاریگەریی هەیە لە یارمەتیدانی درێژبوونەوەی برژانگ، ڕۆژانە بیدە لە برژانگەکانت و مەساجی ڕەگەکەی بکە، بەڵام ڕێگە مەدە بچێتە ناو چاوتەوە.
=KTML_Bold=2. خواردنی تەندرووست=KTML_End=
گرنگی بە سیستمی خۆراکیت بدە، دڵنیا بە لەوە ڕێژەیەکی زۆر لە کانزا و ڤیتامینی تێدابێت، بەتایبەتی ڤیتامین C ، D ، B، زینک، ئاسن و پرۆتین.
=KTML_Bold=3. بایۆتین=KTML_End=
ئەو بەرهەمانەی بایۆتینیان تێدایە، ڕۆڵێکی کاریگەریان هەیە بۆ پاراستنی قژ و پێست، ئەمەش لە برۆکلی، قەڕنابیت، کەلەرم، پیاز و چەرەساتدا هەیە.
=KTML_Bold=4. چارەسەر لە ڕێگەی حەب=KTML_End=
دەتوانیت سەردانی پزیشک بکەیت و بە پێی ڕێنماییەکانی پزیشک ئەو حەبانە بخۆیت کە ڕۆڵیان دەبێت لە درێژبوونەوەی برژانگەکانت. [1]