ناڤ: جومعە
ناڤێ باب: محەمەد
ناسناڤ: جومعە کانی لەلەیی
$ژیاننامە$
ناڤێ من (جومعە محەمەد نەجم) ە، ل پاییزا ساڵا 1970 ل گوندێ #کانی لەلە# یێ سەربە باژێڕوکێ #تەقتەق#ێ ژدایک بوویمە ، ل ژیێ حەفت ساڵیێدە کەتیمە بەر خوەندنێ و قوناغا سەرەتایێ ل کانی لەلە بوویمە و پشتڕە ژبو قوناغا ناڤەندی و ئامادەیێ ل تەقتەقێ من تمام کریە و باوەڕناما دبلۆمێ ل بوارێ کارگێڕیا یاسا ل پەیمانگەها تەکنیکیا #کۆیە# ب پلەیا چوارێ لسەر ئاستێ پەیمانگەهێ من بدەست ئانییە.
ل زڤستانا ساڵا 1987 ێ ڕە من خوەندنا پەڕتووکان دەست پێکرییە و ژ ڤەخوەندنا ڕۆمانا حەمەدۆک یا یەشار کەمال و ڕۆمانا هەرەس یا محەمەد موکری ڕە من دەست پێکرییە، ئەوێن کو حەزا خوەندنێ دناخا مندە هشیار کر کاک ئارازێ ئەمین مستەفا خەیات و ماموستا مستەفا چاوشین بوون .
ل ساڵا 1993 ئێکەم وتارا من ل ڕۆژنامەیا کوردستانا نوێ ل ژێر ناڤنیشانێ ( بەرەیێ کوردستانی زەروورەتا ڤێ قوناغێ یە) هاتە بەلاڤ کرن.
ئێەکەم پەڕتووکا من ل ساڵا 2001 ێ ب ناڤ نیشانێ (کەرکووک ل بەردەم شاڵاوا تەعریبێ دە) هاتە چاپ کرن.
ئەندامێ دەستەیا دامەزرێنەرێ یەکێتیا نڤیسەرێن جینۆسایدا کوردستانێ مە ، ل ساڵا 2000 بو 2023 ل ڕۆژنامەی کوردستانا نوێ من جهەکێ تایبەت هەبوویە بناڤێ شەن و کەو، هەروەسا پێنج مەهە ژبو جارەکا دن نڤیسینا من هەیە بناڤێ وشەدان ل ڕۆژنامەیا کوردستانا نوێ ، هەروەسا ئەندامێ دەستەیا نڤیسەرێن گۆڤارا تەقتەقێ بووم و ژبو هەیامەک ڕێڤەبەرێ نڤیسینێ بووم ل #ڕوژنامەیا تاک#، #پەلکەزێڕینەیا کەنار# و #زێیێ بچووک# .
هەیا نها چوار پەڕتووکێن من هاتینە چاپ کرن ب ناڤ نیشانێ:
1-کەرکووک ل بەردەم شاڵاوا ب عەرەب کرنێدە
2-ڕۆمانا مەملەکەتێ دڕکاوی .
3-ڕۆمانا ڕەش و سپی .
4- زوپایێ شۆڕەشێ کێ سووتاند؟
دوو پەڕتووکێن من ئامادەنە ژبو چاپ کرنێ:
1- ڕۆمانا دزێن شار
2- ڕۆمانا کوڕی پاکەت فروش
هەیا نها پتر ل 638 وتار ل ڕوژنامە و گۆڤاران هاتییە بەلاڤ کرن و دوو ڤەکولین من ئەنجام داینە ب ناڤنیشانێ:
-سەبەبێن ئابووریێن ب عەڕەب کرنا کوردستانێ.
-ڕوڵا دەمامکێ ل ڕیدانێن ئاگرکەتنێدە.[1]