لەدوای ڕۆژێکی پڕ هیلاکەتی و فشار، بە دڵنیایی پێویستت بەوە دەبێت پشوو بە جەستە و دەروونت بدەیت، ڕەنگە ئەمە کەمێک سەخت بێت ئەگەر لە کاتی گەڕانەوەت بۆ ماڵەوە کۆمەڵێک بەرپرسیاریەتی دیکەت لەسەر شان بێت، وەکوو خاوێنکردنەوە و خواردن ئامادەکردن یان ئاگاداربوونی منداڵەکان.

=KTML_Bold=بۆ ئەوەی لە پاش تەواوبوونی کارەکەت لە ڕووی جەستەیی و دەروونییەوە پشوو بدەیت ئەم ڕێنماییانە پەیڕەو بکە.=KTML_End=

1- کاتەکانت ڕێکبخە و پلان دابنێ، لە هەفتەیەکدا 3 بۆ 5 ڕۆژ دابنێ بۆ ئەوەی کاتی تایبەتی خۆتت هەبێت، لەو چەند کاتژمێرەدا خۆت بە وەرزش، یاری، خوێندنەوە یان ئەو چالاکییەوە سەرقاڵ بکە کە ئارەزوت لێدێت.
2- دوربکەوەرەوە لە کارەکەت پاش ئەوەی شوێنی کارەکەت جێهێشت، چونکە پێویستت بەو کاتە هەیە کە پشووی تێدا بدەیت.
3- گەرماوێکی گەرم بکە، کاریگەریی هەیە لەسەر ئارامبوونەوەی دەروون و مێشکت.
4- بڕۆ دەرەوەی ماڵەکەت، هەندێک کات لە سرووشتدا بەسەر بەرە، دوربکەوەرەوە لەو ڕۆتینەی هاتوچۆت لەنێوان کار و ماڵەوە بێت.
5- میوزیک کاریگەرییەکی زۆر باشی هەیە بۆ پشوودان بە دەروونت و فشار کەمدەکاتەوە، دەتوانیت ڕۆژانە کاتژمێرێک گوێ لە میوزیک بگریت.
6- یۆگا یان میدیتەیشن بکە، بۆ ئەوەی وزەی نەرێنی جەستەت بێتە دەرەوە. [1]