$Agahiyên şehîd:$
Nav paşnav. Dîcle Omer Ahmet
Nasnav: Diyana Marîa
Cihê jidayikbûnê: Dêrik
Dayik-Bav: Felek-Omer
Dem û cihê şehadetê:08-05-2021 / Avaşîn

$Kurtejiyana şehîd:$
Hevrêya me Diyana Marîa li bajarê Dêrikê yê welatparêz ê Rojavayê Kurdistanê ji dayik bû. Li qiraxa Çemê Dîcleyê her roj berê xwe dida Cûdî û bi vî rengî mezin bû. Çiyayên Kurdistanê gelekî bala wê dikişand û bi coş û kelecana ku rojekê xwe bigihîne van çiyayan Gerîlayên Azadiyê yên Kurdistanê nas kir. Li ser vê bingehê sala 2013'an xwe gihand çiyayên Kurdistanê û bi dilxwaziyeke mezin tevlî jiyana ku dixwest, bû. Baweriya xwe bi wê anî ku wateya rastî ya jiyana gerîla, hezkirin e. Hezkirina gel, hezkirina welêt, hezkirina hevrêtiyê, hezkirina jinê û hezkirina azadkirina civakê di jiyana gerîla ya hevrêya me Diyana de şênber bû. Di wê baweriyê de bû ku jiyan tenê bi hezkirinê dikare bê îfadekirin, jiyana azad tenê bi hezkirinê dikare bê afirandin. Jiyana xwe ya gerîla û têkoşînê bi vê baweriyê nirxand, bi kedkarî û fedakarî tevlî bû. Demeke dirêj li Heftanînê kar kir, bû xwedî tecrûbeyên mezin û bû Fermandareke YJA Starê ya şareza. Bi tecrûbeyên xwe, di xeta Gerîlayên Modernîteya Demokratîk de ji bo bi rêbaz û taktîkên serdema nû tevlî pratîkê bibe, beşdarî perwerdeyên leşkerî û îdeolojîk bû. Weke yek ji lehengên di dîroka berxwedana Avaşînê de qet neyê jibîrkirin şehîd bû.
[1]