ناڤ: نەڤید
ناسناڤ: نەڤید محەمەدزادە
ڕۆژا ژ دایکبوونێ: #17-04-1986#
جهێ ژ دایکبوونێ: #مێهران# پارێزگەها ئیلام
$ژیاننامە$
ل 17-04-1986 ل باژێڕێ مێهران یا سەر ب پارێزگەها ئیلام یا #روژهەڵاتێ کوردستان#ێ ژ دایک بوویە و زاروکێ دوانزەیەمێ ماڵباتا خۆەیە، نەڤید محەمەدزادە ل ساڵا 2003ێ ڕە ھاتیە ناڤا جیهانا هونەری و کارێ شانوگەریێ، هەنووکە ئەکتەرەکێ سینەمایی یێ بەرنیاسێ وەڵاتێ ئیرانێ یە و د دەمەکێ کورتدا ناڤبانگەکە باش ل بوارێ سینەما و شانوگەریێ لەسەر ئاستێ ئیرانێ و جیھانێ بدەست خوەڤە ئینا. ئەو ڕوڵێ کو د فیلما ئەزێ تووڕە نیمە وەرگرتی ژ ئالێ گەلەک ژ ڕەخنەگرێن سینەمایی ڤە هاتە بەرز نرخاندن لسەر هندێ کو ب جوانترین شێوە دەورێ خوە د فیلمێ دە دیتییە.
نەڤید محەممەد زادە ل 74ەم ڤیستەڤاڵە نیڤدەولەتییا ڤێنیز کو ئێکەکە ژ ڕیدانێن گرنگ د سینەمایا جیھان و کەڤنترین فێستیڤاڵا وڵاتێ ئیتالیایە خەڵاتا باشترین ئەکتەرێ مێر لبەر دەور دیتن د فیلما «بێ مێژوو، بێ واژوو» بدەست خوە ڤە ئینا، نەڤید ھەروەسا کاری خەڵاتا باشترین ئەکتەرێ مێر ل ڤیستەڤاڵا جیھانی و نیڤدەولەتییا «ئاسیا پاسیفک» ل وڵاتێ ئوسترالیا بۆ دووهەمین جار لبەر دەور دیتن د فیلما «بێ مێژوو، بێ واژوو» بدەست خوە ڤە بینیتن، نەڤید محەممەد زادە ھەروەسا کاری خەڵاتا باشترین ئەکتەرێ مێر ل ڤیستەڤاڵا جیھانی و نیڤدەولەتییا شەڤێن ڕەش یێ تاڵین کو ئەو ژی ل وڵاتێ ئیستۆنیا هاتە گرێدان لبەر ڕولا خوە یا لاو د فیلما مێشکێن بچیک یێن ژەنگ گرتی بدەست خوەڤە بینتن، نەڤید ھەروەسا کاری دوو خەڵاتێن باشترین ئەکتەرێ مێر ل ڤیستەڤاڵا جیھانی و نیڤدەولەتییا براتیسلاڤا کو ل وڵاتێ سلۆڤاکیا هاتە ئەنجام دان ژبەر ڕول دیتنا سەرکەفتی ل فیلما بێ مێژوو، بێ واژوو ل ساڵا 2017 و ھەروەسا ڕولا خوە د فیلما ناھید کو ئەو ژی یا ساڵا 2015ێ بوویە بدەست خوە ڤە بینیتن.
ئەکتەرێ ژێهاتی ل ساڵا 2016ێ ڕۆڵەکە سەرەکی د فیلما لانتووری وەرگرت کو ب سەدەما ڤی کارەی کاری داهاتەکێ باش و مەزن یێ مادی ل ناڤخوەیا ئیرانێ بدەست خوەڤە بینیتن.[1]