ناڤ: سەروەت
ناسناڤ: سەرەت سەوز
ساڵا ژدایکبوونێ: 1954
جهێ ژدایکبوونێ: سلێمانی
ڕوژا مرنێ: #20-03-2014#
جهێ مرنێ: بەغدا
$ژیاننامە$
د ساڵا 1954 ل باژێڕێ #سلێمانی# یا #باشوورێ کوردستان#ێ ژدایک بوویە. خوەندنا خوە یا ناڤەندی هەر ل باژێڕێ سلێمانی یێ بوویە و د ماوێ خوێندن خوەدە پشکدارییا چەندین پێشانگەهێن چالاکیێن قوتابخانەیان کرییە. پشتی تمام کرنا قوتابخانێ ل ساڵا 1970 ئان دە پێشکەشی پەیمانگەها هونەرێن جوان یا بەغدایا پایتەختا عیراقێ کرییە و ناڤێ وی ل ور هاتییە وەرگرتن و باوەڕناما پشکا گرافیکێ ب پلەیەکە بەرز ب دەست خوە ڤە ئیناندییە . پشتڕە ژبو ماوەێ دوو ساڵان دێ بەرەف ئەوروپا کوچ بکەتن و جارەک دن دێ ڤەگەڕت ژبو #کوردستان#ا باشوور.
ئێەکەم پێشانگەها هونەری ل زانینگەها سلێمانی یێ ب هەڤبەشی ل ساڵا 1976 پشکداری تێدە کرییە. پشتی ڤی پێشانگەهەی د چەندین پێشانگەهێن دن ل باژێرێن سلێمانی و #هەڤلێر# و #دهۆک# و بەغدا و باژێڕێن دن یێن ئێراقی پشکدار بوویە.
ل ساڵا 1992 تەڤی هونەرمەند نامق عەلی قادر پێشانگەهەک ب هەڤبەشی لە باژێڕێ پاریس یا پایتەختێ وڵاتێ فەڕەنسا ڤەکرییە. د ساڵا 1993 لسەر بانگهێشت ناما فرانسوا میتەران د پێشانگەهەکێ هەڤبەشی تەڤی چەند هونەرمەندێکێن دن ئێن کورد پشکدار بوویە. هەروەسا ل وەڵاتێن دن وەکە بریتانیا، ئەڵمانیا و ئیتالیا پشکدارێ پێشانگەهێن هونەری بوویە.
گەلەک پێشانگەهێن دن یێن هەڤبەش تەڤی هونەرمەند #سامان کەریم#ێ دارتاش هەبووینە.
ل ساڵێن نوهاتان دە ژبو ماوێ چەند ساڵەکان ل ڕێکخراوا ماگ MAG یاکو تایبەتە ب دیتن و دەرئینانا مینەیان کارێ ڤێ چەندێ کرییه.
ئەخیر پێشانگەهێ وی یێ هەڤبەشی ل روژا 10-03-2004 بوویە کو ژبو بیرئانینا ساڵڤەگەڕا شازدەیێ مارس یا کیمیاباران کرنا #حەلەبچێ# بدەستێ رەژیما بەعسا دیکتاتور بوویە. هەر د وێ ڕۆژێدە ئۆتۆمۆبیلەک لێ ددەت و ب سەختی زامدار دبیت. ب مخابنیڤە ل #28-03-2004# د نەخۆشخانەیا الجادریەیا باژێڕێ بەغدایێ، دەمژمێر پێنجێ ئێڤاری وەغەرا داویێ کر.[1]