ناونیشانی پەڕتووک: شێرەبەفرینە
ناوی نووسەر: #ڕەئوف ئالانی#
ساڵی چاپ: 2023
ژمارەی چاپ: چاپی یەکەم
ئەم پەڕتووکە پێکهاتووە لە شیعر و ئۆپەرێتی منداڵان. پەڕتووکەکە بە بەرگێکی جوانی سەرنجڕاکێش نەخشێنراوە، ئەم پەڕتووکە یانزەیەمین بەرهەمی نووسراوی نووسەرە، جیاواز لە پەڕتووکەکانی تری نووسەر، ئەم جارە ئاوڕی لەبابەتێکی گرنگ و هەستیار و پڕ بایەخداوەتەوە کە ئەدەبی منداڵانە، نووسین بۆ منداڵان زۆر جیاوازە، هەموو کەس ناتوانێ هەڵوێستەی لەسەربکات و لەسەری بنووسێت، چونکە پێویستە بە زمانی ئەوان و بۆ تەمەنی ئەوان بنووسرێت، نووسەر پێویستە شارەزایی تەواوی هەبێ لەسەر هەست و نەست و خواستی منداڵان، شارەزایی باشی لەدەروونزانی منداڵ هەبێت، جگە لەوە پێویستە بەوریایی مامەڵە لەگەڵ زمان و بابەتی دیاریکراوی نووسینەکە دا بکات، لە پەڕتووکەکەدا لایەنی خۆشەویستی و ڕاستگۆیی و متمانە بەخۆبوون و هاوڕێیەتی و ژینگەپارێزی و ئاژەڵدۆستی و زۆر بابەتیتر لەناو شیعرەکانی ئەم پەڕتووکە جێیان بۆتەوە، بەشێکی تری پەڕتووکەکە تەرخانکراوە بۆ ئۆپەرێت، لەوبەشەشدا یادی شاری سلێمانی و ڕۆژی پیرۆزی ئاڵای کوردستان و ڕۆژو جەژنی دایکان، خراوەتە ناو بابەتەکانی ئۆپەرێتەکان.
ئەم پەڕتووکە چاپی یەکەمی لە ساڵی (2023) چاپکراوە، ژمارەی سپاردنی (1419) ی پەڕتووکخانە گشتییەکانی وەرگرتووە. [1]