ناڤ: سەرفیراز
ناسناڤ: سەرفیراز نەقشبەندی
ناڤێ بابێ: عەلی
ساڵا ژ دایکبوونێ: 1951
ڕۆژا مرنێ: #10-02-2023#
جهێ ژ دایکبوونێ: هەڤلێر
جهێ مرنێ: ئەڵمانیا
$ژیاننامە$
سەرفیراز عەلی نەقشبەندی ل ساڵا 1951 ل باژێرۆکێ بامەڕنی یا سەر ب قەزا ئامێدییا باشوورێ کوردستانێ ل پارێزگەها دهوکێ ژدایک بوویە.
سەرفیراز ئێک ژ ئافرەتێن ڕوژنامەڤانێن سەرکەفتی و پێشەنگ یێن بەری ڕاپەڕینا مەزنا کوردستانا باشوور بوویە کوو پشتی ڤێ ڕووداوا گرنگ ژی لسەر کارێ خوە یا بەردەوام بوو.
پشتی ڕاپەڕینێ ساڵا 1991 سەرنڤیسەرا ڕوژنامەیا وڵات بییە ل هەڤلێرێ، ل چەند ڕۆژنامەیێن دیژی وەکە نڤیسەر و سەرنڤیسەر کارێ خوە کرییە.
ئێکەمین ژنا کورد بییە ل هەرێما کوردستانێ کو خودی ئیمتیاز و سەرنڤیسەرا ڕوژنامەیەکە ناڤخویی بوویە.
ماموستایا پەروەدەیی و نڤیسەر و ڕوژنامەنڤیس و چالاکەڤانا بوارێ مافێ مروڤان و ئافرەتان بوویە ل باشوورێ کوردستانێ.
ل ماڵباتەکە ئایینی و ڕەوشەنبیر و کوردپەروەر ژ دایک بوویە و تەڤایا قوناغێن خوەندنا خوە ژ سەرەتایی و ناڤەندی و ئامادەیی ل دهوکێ تمام کرینە.
ل ساڵا 1981ئان کولیژا کارگێڕی و ئابووری ل زانینگەها سلێمانیێ باوەڕناما باکالۆریۆس بدەست خوەڤە ئینایە.
وەکە ماموستا و فەرمانبەر ل هەڤلێرێ و سلێمانیێ لسەر خزمەتا خوە یا بەردەوام بوویە.
ل ساڵا 1966ێ بەرەف هەندەران سەفەر کرییە. ل ساڵا 1998ێ باوەڕناما دبلومێ دەربارێ ڕوژنامەڤانیێ ل وڵاتێ لوبنانێ بدەست خوەڤە ئینایە و پشتڕە بەرف وڵاتێ ئەڵمانیا سەفەر کرییە و ل وێرێ نیشتەجێ بوویە.
دەستپێکا کارێ ڕوژنامەڤانییا وێ ب نڤیسانا چیروکان بوویە و پشتڕە دەست کرییە ب نڤیسینا ڕومانێ و بەلاڤ ژی کرییە، سەرفیرازێ پەرتووکەک لسەر ئەدەبا زارۆکان ب هەردوو زمانێن ئینگلیزی و ئیسپانی نڤیساندییە و پاڕ ڤەکرییە.
ئەنداما دەستەیا دامەزرێنەرا ڕێکخراوا دوستایەتییا کورد و ئەڵمانیا بوویە.
بوو دەمەکێ سەرنڤیسەرا ڕوژنامەیا کوردستان ڕاپۆرت بوویە.
ئەنداما ئێکەتییا نڤیسەرێن کورد بوویە.
ئەنداما سەندیکایا ڕوژنامەڤانێن کوردستانێ بوویە.
ل ڕوژا 10-02-2023 ل نەخوشخانەیەکە وڵاتی ئەڵمانیایێ د ژیێ 72 ساڵیدە وەغەرا داویێ کر. [1]