ناونیشانی بابەت: نەمانی تۆو لە پیاواندا (ئەزۆسپێرمیا)
بەشی یەکەم
ئامادەکردن: د. #ڕەنج بیلال کاکەیی#
نەمانی تۆو حاڵەتێکە تووشی پیاوان دەبێت کە لە کاتی ئاو هاتنەوە (تۆواو فڕێداندا) سپێرمی تیا نییە ، لەوانەیە هۆکارەکە گیرانێک بێت کە ناهێڵیت تۆو بچیتە ناو ئەو ئاوەی فڕێدەدرێت یان لەوانەیە کەم بوونەوەی درووست بوونی تۆو بێت لە گونەکاندا.
$چەندین هۆکار دیاریکراوە کە لەوانەیە هۆکاری تووشبوونی پیاوان بن بەم حاڵەتە لەوانە:$
1- هۆکاری جینی وەکوو حاڵەتی کۆنیشانەی کلینفلتەر و هەندێ نەخۆشی زگماگی تر.
2- چارەسەری بە دەرمانی کیمیایی یان تیشک.
3- ناتەواوی زگماکی بۆ نموونە نەبوونی بۆری گوێزەرەوەی تۆواو، دەوالی گون.
4- بڕین و قرتاندنی بۆری گوێزەرەوەی تۆو بە نەشتەرگەری.
یەکێک لە هۆکارە سەرەکییەکانی نەزۆکیە لە پیاواندا
پزیشکی پسپۆڕ ئەم حاڵەتە دەستنیشان دەکات بە پشکنینی فیزیکی و پشکنینی تاقیگەیی سۆناری گون ، پاشان بە پێ ی هۆکارەکەی چارەسەر دەستنیشان دەکات. [1]