$Kurtejiyana Çalakvanê Kurd Heyder Mehmûd$
Çalakvanê Kurd Heyder Mehmûd ku bi xwe eslê xwe ji gundê #Qeremux# ya ser girêdayî #Kobanî#ya ser bi Rojavayê Kurdistanê ye. Di sala 02.08.1996'an de li bajarê Şama sûriyayê ji dayîk bûye. Ew bi xwe di çavên xwe de astengdar e û gelek kêm dibîne, û bi rêjeya 5% di çavê xwe yê çepê de dibîne. Ew xwendina xwe seretayî di dibistana şehîd Rafi El-Şinwan li gundewarên Şamê derbas dike, û xwendina navîn di peymangeha perwerdehiyê ya taybet de bi dawî dike ku taybet girêdayî astengdaran e. Û di dîroka 20.11.2015'an de vedigere Kobaniyê bi armanca avakirina projeyên bîrdozî û perwerdehiyê bi taybet girêdayî mirovên astengar ên herêma Firatê û li ser vê armancê meşiya. Ji ber hezkirina xwe ya ji zimanê dayîkê re xwe fêrî zimanê kurdî kir û li ser berhemeke bi navnîşana ''Destpêkêk di zanista kombîtûrê de'' ya bi zimanê kurdî (Kurmancî) xebitî û di avakirina wê ede bi ser ket.
Her wiha ew mijûlî zanista dînî û xweavakirina mirovî ye. Her wiha wî bi hezaran gotinên pêşiyan ên bav û kalan berhev kiriye pê ve girêdayî gotinên fîlozof û zanyar werdigerîne zimanê kurdî. Ew bi pileya herî baş beşê kompîturê de li peymangeha Ş.Zozan e der diçe û tê de bi qasî salekê xwend.
Wî gelek zehmetî ji ber kêmbûna çavên xwe kişand û ruxmî wê yekê li beranber armancên xwe berxwe da. Her wî di biçûkaniyê de rastî gotegotên nexweş hat, lê wî ev tişt derbas kir û bi berhemên herî hêja kesayetiya xwe nîşan da.
Ew a niha bi projeyeke wiha ji mirovên astengdar dixebite da ku ew kes jî di nava civakê de bi kar bibin û bixebitin. Li gorî wî wê yekê bihêle civak ber bi pêşveêûnê ve biçe. her gotin û slogana wî ya sereke ev ''Tu mirovê/a astengdar di civakek taybet de tune ne.[1]
Aras Hiso
Jêder: Hevpeyvîna bi Mehmûd Heyder re