باخچێوە بېگەرد
نویستەی: میرزا ئۆلقاڎرو پاوەی
بەشۍ دوەسەڎ و پاڼزەهەمە
جەیحوون جایێ بۍ نزیک جە شارو مەککەی، کە خەدیجەی کوبرا چاگە مەدفوونە کریێبۍ، ئا شەوە حەزرەت تەشریفش پەی ئاگەی بەرد، کەردش وە ڕەوزەی بەهەشت.
جەیحوون جایێ بۍ، بېغایەت زەریف
واقیع بۍ قەدیم جە مەککەی شەریف
قەسرێ جە پارچەی دوڕڕی مەکنوون بۍ
خەدیجەی کوبرا نەوجا مەدفوون بۍ
حەزرەت تەشریفش ئەو شەو جە گوڵگەشت
جەیحوون کەردەبۍ وە ڕەوزەی بەهەشت
جیڼی نەسیبین ئەهلی جان فاش
ئەو شەو فایز بین گرد وە خاک پاش
حەزرەت جە لاشان تاکە شەفەق زەرد
موشاهەدەی چن عەجایبات کەرد
باقی تەفسیلش مەجهوولەن چوون خواب
سەبتەن جە کیتاب ڕەوزەتولئەحباب
فائیڎەش نېیەن خود بەس ڕەوایەت
با بشین وە سەر ئەسڵی حیکایەت
جە بەتنی ئەو شەو پېغەممەر
چەنی جنییان هەر هەفت نەفەر
ویارا بە زیکر حەیی لایەمووت
مەسمووع بی جە لای ئەهلی مەلەکووت
سەحەر سەبعە جن بۊسان دەست و پاش
دەرسات وېنەی جن غایب بین جە لاش.[1]