دەم ژمێر نێزی 11:00 بەرەبەیانا #یەکێ-شوبات#ا ساڵا 2004ێ کوو ئێکەم ڕوژا جەژنا قوربانێ بوو دوو ئێرشێن ترۆریستی بو سەر لقا دوویا پارتیا دەموکراتا کوردستانێ و مەڵبەندا سێ یا یەکێتییا نشتیمانیا کوردستانێ ب ئالییەکە جودا و د ماوێ کێمتر ژ 2 خولەکان ل باژێرێ هەڤلێرا پایتەختێ هەرێما کوردستانێ هاتن ئەنجام دان، د ئەنجاما ڤان دوو ئێرشاندە چەند بەرپرسێن هەردوو حزبان و ژمارەکا زورا خەلکێن سڤیل بوونە قوربانی و ئەڤ جەژنە ل هەرێما کوردستانێ ب ئێکجاری کرنە بەهی و 101 کەس ل زەڵام و زارۆکان شەهید بوون و پتر ژ 200کەسێن دن بریندار بوون. ڤێ ڕووداوێ ترسەکە مەزن خستە ناڤا دلێ ڕونیشتڤانین هەرێمێ و دەڤەرێ ب گشتی و کارڤەدانەکە مەزن د کەنالێن ڕاگەهندنێن لۆکاڵی و جیهانی دە هەبوو. د ئەنجاما ڤێ کردارا تەرۆرستی دە #پەرلەمانا-کوردستان#ێ ماوێ 3 ڕوژان پرسەیا سەرتانسەری ل هەرێما کوردستانێ ڕاگەهاند.
ل باژێرێ هەڤلێرێ و ل پارکێ هەڤلێر کو پشتی ڤێ کردارا تەرۆرستی ناڤێ ڤی پارکەی هاتە گوهارتن بو پارکێ سامی عەبدولرەحمان مۆنۆمێنتەک بو ڕێزگرتن ژ قوربانیێن ڤێ ڕوداوێ هاتییە دەیناندن کوو ناڤێ سەرجەم شەهیدێن ڤێ ئێرشێ ل خوە دگریت.
سامی عەبدولرەحمان و دوو ژ کوڕێن وی، شەوکەت شێخ یەزدین، ئەکرەم مەنتک، مەهدی خۆشناو ، سەعد عەبدوڵلا ، مەحمود هالو، هیجران بارزانی ژ پارتیا دەمۆکراتا کوردستانێ و شاخەوان عەباس، خەسرەو شێرە، محەمەد بەحرکە، بەهرۆز قەشقە، دێدەوان ژ یەکێتییا نشتیمانییا کوردستانێ ئەندامێن سەرکردایەتی و چەند کەسایەتیێن دیارێن هەردوو حزبان بوون.
هەموو ساڵان د ڕۆژا یەکێ شووباتێ دە ل هەرێما کوردستانێ بو پیرۆز ڕاگرتنا یاد و ناڤێ شەهیدێن ڤێ ڕوژا ڕەش مەراسیمێن جودا ل تەڤایا دەڤەرێن کوردستانێ ب گشتی و ل هەڤلێرا پایتەخت ب تایبەتی تێن ئەنجام دان و دام دەزگەهێن حزبی و حکومی ب ئالییەکی جودا ڤێ کردارا تەرۆرستی ئیدانە دکەن.[1]