ناڤ: سوارە
ناسناڤ: کاک سوارە
ناڤێ بابێ: ئەحمەد ئاغا
ڕۆژا ژ دایکبوونێ: #21-04-1937#
ڕۆژا مرنێ: #14-01-1976#
جهێ ژ دایکبوونێ: ل گوندێ تورجانا سەر ب باژارێ سەقزێ
جهێ مرنێ: ل باژارێ تەهرانێ
$ژیاننامە$
سوارە ئیلخانیزادە (Siware îlxanîzade) کوڕێ ئەحمەد ئاغایێ ئیلخانیزادەیە، ل 21ێ نیسانا 1927ێ، ل گوندێ تورجانا سەر ب باژارێ #سەقز#ێ ژ دایکبوویە. پشتی ساڵەک ئاکنجی بوون ل #قەرەگوێز#ێ، خواندنا خوە یا سەرەتایی هەر ل ڤی گوندی ل بال «شێخ ئەحمەد کەسنەزانی» دوماهیک ئینا. هاڤینا 1954 دچنە باژارێ #بۆکان# ێ و هەر د ڤی ساڵیدا تووشی نەساخییەکێ دبیت و چەند ساڵەکان سەر جی دمینە. سێ ساڵێن دەسپێکا قویناغا ناوەندیێ ل باژارێ بۆکانێ خواند (1957-1959)، پاشانێ ژ بۆ دوماهیک ئینانا خواندنا خوە دچیتە باژارێ #تەورێز# ێ. ساڵا 1962یێ ل قوتابخانەیا «لوقمان» ا تەورێزێ دیپلۆما خوە وەرگرت. هەر د ڤی ساڵیدا ل زانکۆیا #تەهران# ل بەشا «ماف» هات وەرگرتن و ل گەل کچەکە ئازەری ب ناڤێ «ڕوقیە» ژیانا هەڤبەش پێک ئینا و چوویە تەهرانێ. ساڵا 1964 سوارە و چەند ژ هەڤالێن خوە د گەل 150 ژ کەسایەتیێن ڕەوشەنبیرێن کورد، ب تۆمەتا کوردایەتی ل گرتیگەها «قزلقەڵا»یێ نێزی شەش هەیڤان ب ئاوایەک گەلەک دڕندە تێن ئەشکەنجەدان. هەلبەستا «سوورە قەڵا، دایکی بەڵا» د ڤی سەردەمیدا نڤێسییە. پشتی کو ل گرتیگەهێ ئازاد دبیت، خواندنا خوە تمام دکەت. کاک سوارە ل سالا 1967ێ ل بەشا کوردیا ڕادیۆیا تەهرانێ هات دامەزراندن. زستانا 1976 دەمێ کو ڕێیا مالێ دگریت، دکەوە بەر تڕومبێلا هەڤکارەکە خوە و هەر ئەڤ ڕویدانە دبیتە هۆکار کو شێرپەنجێ د گیانێ ڤی دا خوە دەرخست. ل 14ێ کانوونا دووەم ا 1976 سوارە ئیلخانیزادە خاتر ژ ژیانێ خواست و تەرمێ ڤی ل گۆڕستانا مالبتا وانا ل گوندێ «حەمامیان» هاتە ڤەشارتن. سوارە کوڕەک ب ناڤێ «بابەک» ل پاشی خوە ب جی هێلا، کو ئەو ژی ل تەمەنەک کێمدا کۆچا داوی دکەت.
$هەلبەست و پەخشان:$
سوارە ئیلخانیزادە ب سێهەم کەس و سوارچاکێ هەلبەستا نوی ا کوردی تێتە هەژمار ل ڕۆژهەڵاتێ کوردستانێ. ساڵا 1962 - 1963 هەلبەستا «شار» ل سەر کێشا «کەژاڵ» ا هاواری ئافراند و ب ڤی ئاوایی دەست ب چێ کرنا هەلبەستا ئازاد کر. هەلبەستا «شار» باس ل جوداهی و جیاوازیێن جڤاکا باژار و گوندی دکەت. پشتی وێ هەلبەستێن وەک خەوەبەردینە، شەنگەسوار و کچی بەیان و... هاتنە نڤیسین. سەرباری هندێ کو ناوەرۆکێ بەرنامەیێن ڕادیۆ و تەلەڤیزیۆنان ب دلێ ڤی نەبوون و ژ ئالیێ مالبات و کەس و کارێن خوە کەتە بەر باس و توانجا، ل ڕادیۆ تەهرانێ دەست ب کارێ خوە کر و بەرناما #بۆمەلێل# نڤیسی و پێشکەش کر. ئەڤ بەرنامە ژ بۆ ماوەیا چەند ساڵەکان بەردەوام بوو و پاشێ د قاڵبێ پەڕتووکەکێدا هات کۆم کرن. ئو نها وەک دەنگ چەند هەژمارەک ل وێ بەرنامێ بەردەستن. سوارە کوڕێ عەشیرەتێ بوو و ل سەردەمێ کو ئەو دژیا، هزر و باوەڕێ کورداتیێ ل ناوچەیا موکریانێ بەربڵاڤ ببو و د هەلبەستا وی سەردەمیدا ژیک ڕەنگ ڤەددا. هەر وەسا ژیانا غەریبی و تێکەلیا ڤی دگەل ڕەوشەنبیرێن کورد باندۆرەک مەزن ل سەر هەلبەست و بەرهەمێن وی هەبوون.
$بەرهەمێن ڤی:$
خەوەبەردینە (25 هەلبەستێن کوردی و 20 هەلبەستێن فارسی)
تاپۆ و بوومەلێل (بەرهەمێ پیشکەش کری ل ڕادیۆ تەهرانێ)
شەنگەسوار (کۆبەرهەم)
$نموونەیەک ژ هەلبەستا سوارە$:
«دووی ڕێبەندان»
بیرەوەریی دووی ڕێبەندان،
دەمخاتە سەر بەستە و بەندان.
ڕێبەندانی ڕێنوێنە،
لە داگیرکەر سەرشێوێنە.
ھەڵات ھەڵات لە ھەموو دیاران
پێپلیکەی دێو، تەختی تاران!
دوژمنی کورد جێی پێ لێژە
با بگێڕین گەڕەلاوێژە!
ھۆ ھۆ شوانە! بە نەغمەی تەڕ و پاراوت،
بە بلوێری لە دەرد و خەما سووتاوت،
بارووژێنە گیانی خەوتووی گەزیزەی ھەرد
بە سوارۆیەک، بە حەیرانێک،
دامرکێنە بڵێسەی دەرد!
ھۆ ھۆ جووتێر! جووتێری چەوساوەی خەمان،
خاڵەی ڕێبواری خەیاڵت نیشتەجێ بوو،
خەمان نەمان!
بە ئارەقی نێوچاوانی بەرز و تەرزی کرێکارانت،
چناری ھیوا با شین بێ
لە کووزی ڕووی دەردەدارانت!
ئەی کچی جوان! ئەی یەزدانی داوێن پاکی!
دیلان بگێڕە، بەسەر چوو
دیلی و زەلیلی و خەمناکی!
ئەو ھەورییەی لە دەوری دارت پێچاوە
لە دەوری دەستت ھاڵێنە، بە دەم سووڕانی سەماوە
شایی دەگەڕێ لە ھەموو دێیان،
گیان ھاتووەتە ئاسۆی گوێیان!
دیلانە لە ھەموو ماڵان،
پیرۆزبایی لە ھاواڵان!
بەو زستانە، دڵ بەھارە،
لە ھەموو سنووران ھاوارە!
لە دوژمنان ڕێبەندانە!
بۆ کورد وادەی گۆوەندانە!
شایی نەدار و ھەژارە،
ئەوجار ھەژار خۆی سەردارە!
مەڵبەند بەھاری تێزاوە،
«قازی» مەزن ھەروەک کاوە،
ھێزی کۆمەڵی لە پشتە!
ھەودای خاوی ھیوا گشتە
قورینگ چلەی زستان دەبڕن،
چاویان لە کوردستان دەبڕن،
بە پۆل گوڵی لە شەتاوان،
دەخەمڵێنن دەم چۆماوان.
بیستوومە لە کۆنەپیاوان،
سەرگوریشتەی خاوەن ناوان:
لە سەخڵەتا خۆشی دیارن،
ھەر زۆرە کوژەی زۆردارن
نەزیلەی باپیران وایە،
شەو بۆ مێردان وەک قەڵایە،
شەوەی شەو لەشی کووشیبووین،
ڕێبەندان ڕێگای تەنیبووین،
گیانمان خارا بە دەرد و ئێش،
ڕێگای ئازادین گرتە پێش!
پاش چەند ساڵ لە نوور دووریمان
ھەڵبوو چرای جەمھووریمان
با بگێڕین زەماوەندێ،
با بۆتان بڵێم سەربەندێ!
ئەوجار فەلا و کرێکار
قەت ناڵێن خۆزگەمان بە پار!
دەریھاوێشت تۆوی دژی
ڕەنجبەر بژی، بژی، بژی! [1]