ئەو کەسانەی پێستیان بە شێوەیەکی سرووشتی وشک نییە، بەڵام لە ماوەیەکی دیاریکراودا تووشی ئەم گرفتە دەبن، بە واتای ئەوەیە کە هۆکارێک لە پشتییەوە هەیە و پێویستە چارەسەر بکرێت.

$دیارترین هۆکارەکانی وشکبوونەوەی پێست$
1-گۆڕینی کەشوهەوا، بەتایبەتیی لە کەشی زۆر گەرما، پێست شێدارییەکەی لەدەستدەدات و تووشی قلیشان دەبێت.
2-تووشبوون بە نەخۆشی شەکرە، کە وادەکات کەسی تووشبوو زیاتر لە کاتی ئاسایی میز بکات و جەستە وشک بێتەوە.
3-مەلەکردن، بۆ ماوەیەکی دوورودرێژ، بەهۆی کلۆری ئاوەکەوە پێست وشک دەبێت و ڕەنگە زیان بە تاڵەکانی قژیش بگەیەنێت.
4-زیادبوونی تەمەن، هۆکارە بۆ ئەوەی پێست وەکوو جاران چەوری سرووشتی بەرهەم نەهێنێت، ئەمەش وادەکات چرچی ڕووخسار زیاتر دەربکەوێت.
5-کاریگەریی لاوەکی هەندێک دەرمانی پزیشکی، کە هۆکارە بۆ وشکبوونەوەی پێست. [1]