Helbestvan Alwan Şivan
Di sala 1970ê de, li gundekî ji devera Tirbespiyê hatiye jiyanê. Xwendina xwe ya seretayî li dibistana gund derbaskiriye, qûnaxa duyem li dibistanên bajarê #Qamişlo# qedandiye û qûnaxa siyem li bajarê Helebê ji bo xwendina peymangehê, lê mixabin ji ber hin sedemên taybet bi serî nekir û berê xwe da leşkeriya neçar.
Ji sala 1990î de, dest bi nivîsandina helbesta kurdî kiriye. Helbestên xwe di riya malperên kurdî re belav dike. Gelek semîner, şevbuhêrk û ahengên newrozan pêşkêş û birêve dibe.
Ji sala 2007an salane li Elmaniya beşdarî mihrecana helbesta kurdî dibe, û wek pêşkêş û rêveber mihrecanê bi rêve dibe.
Ji berhemên wî du pirtûkên helbestan hene ew jî ev in
-Hêviyên bê sînor
-Şevê dî
Ji sala 2001ê penaberî Elmaniya bûye.[1]