#یەکێتیی نیشتمانیی کودستان# لە بابەتی جیاکردنەوەی ئیدارەی #سلێمانی# و دابینکردنی بودجەکەی لەلایەن حکومەتی ئێڕاقەوە تەواو بێهیوا بووە.
بەهۆی ئەوەی بەرپرسانی حکومەتی ئێڕاق ئامادەنین لە بابەتی دوو ئیدارەیی پشتگیری یەکێتی بکەن، بۆیە ئەو حیزبە بە تەواوی لەو هەوڵەی بێهیوا بووە.
بەهۆی بێهیوا بوونی یەکێتی لەو هەوڵە ئێستا دەستی بە هەوڵێکی نوێ کردووە، ئەویش ئەوەیە لە ڕێگەی سایتێکی فەڕمییەوە داهاتی سلێمانی بخەنەڕوو، کە بەم نزیکانە دەکەوێتە کار.
یەکێتی لەم ڕێگەیەوە دەیەوێت ڕای گشتی لە دژی #پارتی دیموکراتی کوردستان# لە سنووری سلێمانی بجوڵێنێت و بە خەڵک بڵێت پارتی و حکومەتی هەرێم، کە لەلایەن ئەو حیزبەوە سەرۆکایەتی دەکرێت سەرچاوەی کێشەکانی سلێمانی نەک ئەوان. [1]