لە ڕۆژی بەرەنگاربونەوەی توندوتیژی دژی ئافرەت:
توندوتیژی هەر هەمان مانای هەیە چ بۆ پیاو چ بۆ ئافرەت بۆیە دەڵێین نا بۆ توندوتیژی دژی مرۆڤ بەگشتی و دژی ئافرەت بەتایبەتی چونکە ئافرەت کە توندوتیژی بەرانبەر کرا، ئینجا هەر جۆرە توندوتیژییەک بێت ئەوا دەروون و کەسایەتی دەڕوخێت. هەرگیز چاوەڕوان مەبن کە ئافرەتی ڕووخاو پەروەردەی نەوەیەکی تەندرووستمان بۆ بکات کەواتە ئێمەی مرۆڤ هەرکاتێک لەچاوی دایک و خوشک و خێزان و کچەکانمان ڕوانی ئەوکات ڕۆژی داکۆکی کردنە بەوەش هەموو ڕۆژ دەبێتە ڕۆژی داکۆکی لە مرۆڤایەتی و لە خێزان بەگشتی.هەموومان دەزانین کە پەروەردەی منداڵ چۆن بە دایک دەگۆڕێت و کەسایەتی دایکەکە بەسەر منداڵەکەوە دیارە.
کەواتە هەموو ڕۆژەکانی ساڵ دەبێت بڵیین:
(نا بۆ توندوتیژی و نا بۆ کوشتنی ئافرەت). [1]
دکتۆر #دیلمان ئازاد# خۆشناو
پسپۆری پزیشکی دادوەری
مامۆستا لەکۆلێژی پزیشکی