نامۍ: عینایەتوڵڵا
نازنام: ئاغا عەنایەت
نامۊ تاتەی: ئاغا ھیدایەتی
ساڵۊ پېڎابېیەی: #1881#
ساڵۊ مەرڎەی: #1957#
یاگۊ پېڎابېیەی: #جوانڕۊ#
یاگۊ مەرڎەی: #جوانڕۊ#
$ژیۋاینامە$
عینایەتوڵڵا کوڕی ئاغا ھیدایەتی پاۋەی ئەژناسیا بە #ئاغا عەنایەت#، ساڵۊ 1881ی پېڎایی چە جوانڕۊ پېڎابېیەن و ساڵۊ 1957ی پېڎایی چە جوانڕۊ کۊچی دمایینش کەرڎەن.
ھۊنیەر خەڵکو وەرکۆتو کورڎەسانی بېیەن، کوڕو ئاغا ھیدایەتی کوڕەزاو مەڵا نەشئەتی و کوڕەزازاو مەڵا حسێنی. بڕېۋ یاگېنە بە (ئاغا عەنایەتی پاوەی)ی و بڕېۋ یاگېنە بە (ئاغا عەنایەتی جوانڕۆیی)، بڕېۋ یاگېنە بە (ئاغا عینایەت) نامۍ بریان، بەڵام ئاڎ وېش دلۍ ھۊنیاکاشەنە وېش بە (عەنایەت) نامۍ بەرڎەن. ھەڵبەیە ئانەیچە ڕۊشن ھەن، ھەرچنە نامەکېش عەرەبییە ھەنە و بە عەرەبی (عېنایەت) ماچیۊ. بەڵام بە چە زۋانو خەڵکو پاۋەی و جوانرۊ)ینە بە عەنایەت نامۍ بریۊ، ھەر پاسە کە وېش چە ھۊنیاکا وېشەنە وېش بە عەنایەت نامۍ بەرۊ. بېژگە ئانەیە، دوەم پیتۊ ۋاچۊ (عېنایەت) چە زۋانی عەرەبینە بە چېرە (کەسرە) موانیۊۋە، نەک بە (ی). کەۋاتە ھەر (عەنایەت)ەکەو خەڵکو جوانرۊی و پاۋەی و دلۍ ھۊنیاکا وېش درۊس ھەن.
ئاغا عەنایەت ساڵۊ 1931 پا جۊرە کە وېش داستانۊ ھورۇژمو لەشکرو دۆڵەتو ئێرانی پەی سەرو کورڎەسانی بە ھۊنیێ گېڵنۊۋە، وېچش یۊ بېیەن چە دەسگیرکریاکا و دە ساڵۍ زیڼانەنە مەنەنۆ و ھۊنیێکېش زاڎەو ئا سەردەمەیە ھەنۍ و بە زۋانی کوردیی-ھۆرامی و کوردیی-سۆرانی و فارسی ھۊنیێش نۋیستېنۍ و بە جەسە و بە ھۊنیێ دژو ستەمکاریی شاو ئێرانی مڎران.
ئاغا عەنایەت دماو وېش دیۋانېۋ ھۊنیێ جېیا ئاستېنۍ و کەسېۋی زۋان شیرین و دڵپاک و مېھرەبان بېیەن. کەسېۋی خاسسوار و نیشانەماڕی دەسڕەنگین و ھەرپاسە ڕاۋچیش بېیەن و چە گرڎی گرنگتەر، یارڎیدەرو ھەژارا بېیەن، بە زەڕ و ڕەنچو وېش مزگیېۋش درۊسکەرڎەن و ھەر وېچش ۋەرنامییش چنە کەرڎەن و مزگیەکەش ڕاۋەبەرڎەن.
[1]