بۆ بەدواداچوونی ڕووداوی تەقینەوەی غاز لە شاری سلێمانی، سەرۆکی حکومەتی هەرێمی کوردستان #مەسرور بارزانی#، کەمێک لەمەوبەر پەیوەندی بە پارێزگاری سلێمانی هەڤاڵ ئەبوبەکرەوە کرد و ڕایسپارد کە دامودەزگا پەیوەندیدارەکانی حکومەت، بەدواداچوونی ورد و خێرا بۆ هۆکاری ڕووداوە دڵتەزێنەکە بکەن و بەهانای زیانلێکەوتووانەوە بچن و هەرچی پێویست بێت ئەنجامی بدەن.
سەرۆکی حکومەت هەروەها پرسە و سەرەخۆشی و هاوخەمی خۆی بۆ بنەماڵە و کەسوکاری قوربانییان دەربڕی و هیوای چاکبوونەوەی خێراش بۆ برینداران دەخوازێت. [1]