یا حەی بە حورمەت حەبیب ڕەهبەر
بە سیدق و سەخای سیددیق ئەکبەر
بە شەرافەت عەدڵ شای «ابن الخطاب»
بەشق زی حەیا، عیلم بووتوراب
بەشق حەسەنەین، فاتیمەی زەهرا
بە حەمزە و عەبباس عەمم موستەفا
عەفووم کەر جەو زەنب جەهوولی و زەلووم
حیفزم کەر نە شەڕ فیتنەی نەفس شووم
هەم جەی بەند سەخت بەندە ئازاد کەر
بە فەزڵ و ئەڵتاف دەروونم شاد کەر
چون نە تورک تەرکەن ئینساف و مروەت
ئومید هەر بە تۆن قەدیم قودرەت
«فەقێ» مەعلوومەن تورک بێئینساف
ئەسڵ نەوع ڕۆح باوەر بە ئەوساف
ئێدەن ئومێدم جە ئەهل ئیسلام
ڕەوان کەن بە ڕۆح موحەممەد سەلام
#فەقێ قادری هەمەوەند# [1]