Çalakvana ji Iraqê û gerînendeya rêxistina Embraced Women Dua GazîDua Gazî destnîşan kir ku serhildana bi pêşengiya jinan a li Rojhilatê KurdistanêRojhilatê Kurdistanê û seranserê ÎranÎranê, ber bi rizgariya ji rejîma Îranê ve diçe.
Desthilatdarên Îranê sûcên mirovahiyê li dijî serhildêran li Îran û Rojhilatê Kurdistanê pêk tînin ku siyasetên çewisandinê red kirin. Li gorî Rêxistina Mafên Mirovan a Îranê, heta niha di xwepêşandanan de 253 kes hatine kuştin û di nav de 34 zarok hene.
Piştî kuştina Jîna Emînî, xwepêşandanan bi pêşengiya jinan li Rojhilatê Kurdistanê û Îranê bi dirûşma ‘Jin, jiyan, Azadî’ dest pê kirin.
Zêdetirî mehekê ye xwepêşandan li Îran û Kurdistanê berdewam in. Çalakvana ji Iraqê û gerînendeya rêxistina ‘Embraced Women’ Dua Gazî destnîşan kir ku serhildana bi pêşengiya jinan li Îranê ber bi rizgariyê ve diçe.
Dua Gazî got: “Jîna Emînî di encama sûcdariya pergala Îranê de hate kuştin. Gelek dewletan ew buyer wek sûcekî mezin ji aliyê “polîsên exlaqê” yê Îranê ve bi nav kir ku girtekên hovane li ser jinan ferz dike mîna girtina serî û bedena jinan, binpêkirina mafên jinan di bin nav û şertên cuda.”
Her wiha Dua destnîşan kir ku şoreşa îslamî ya di 1979`an de li Îranê li dar ketiye, roleke sereke lîst ku Îran ev hêza xwe ya hovane û sûcdar wergire. Di serî de şêx û melayên payebilind ku li ser hemû beşên civakê cil û berg û rêgezên olî ferz kirin, bêyî ku guh bidin beşên din ên civakê.
Dua wiha domand: “Ev pergal, mafên jinan binpê kirin. Êdî bû pergalake zordest ku jiyana wan jinan diyar dike. Polîsa exlaq erkdar kir da ku li pey wan jinan be û wan bigire. Heta hin caran li jinên li dijî rêgezên wan derdikevin, îşkenceyê dikin.”
‘BERXWEDANA JINAN JI PERGALA WAN XURTTIR E’
Dua îşaret bi berxwedana jinan a li hember rejîma Îranê kir û got: “Ruxmî siyaseta hundirîn a Îranê û rêbazên îşkenceya hovane û girtina jinan û alîgirên xwepêşandanan bi rêya operasyonên serdegirtina malan de, desteserkirina cîhazên elektronîk ji aliyê polîsên exlaqê ve, dîsa jî ji helwesta xwe gav paşde neavêtin.”
Dua bal kişand ser piştgiriya jinan bi serhildana li Rojhilatê Kurdistanê û Îranê û got: “Li ser malperên tevna civakî, bi rêya qutkirina porê xwe li hember kamerayê û şewitandina şerpê, lidarxistina xwepêşandanan li rex mêran, piştgiriya serhildana jinan li Îran û Rojhilatê Kurdistanê rave kirin. Ev îsbat dike ku şoreşeke rastîn heye ku jinên serhildêr pêşengiya wê dikin.”
Têkildarî bikaranîna tundiyê ji aliyê rejîma Îranê ve li dijî xwepêşandêran, Dua got pergala Îranê bi rêya tundiyê hewl da bûyera kuştina Jîna Emînî û dîktatoriya xwe, zilma ku li ser gel û jinan dimeşand, veşêre û berjewendiyên xwe yên aborî û derve biparêze.
Dua wiha pê de çû: “Serhildan bi pêşketin û rizgariyê ve diçe da ku jin daxwazên xwe pêk bînin. Bi rêya vê serhildanê û têkoşîna xwe ya domdar, serkeftina wê îsbat kirin.”
DAXWAZÊN JINAN
Dua Gazî îşaret bi daxwazên jinan kir û got: “Jin edalet, wekhevî û azadiyê dixwazin. Dixwazin biryara xwe bi şeklê tê xwestin bigirin. Her wiha daxwazên wan li Rojhilatê Kurdistanê û Îran ku bi awayekî çalak tev lî desthilatê bibin û mafê wesîyetê ji ser rabe.”
Girêdayî rola rêxistinên jinan ji bo ragihandina azarên jinan li Tehranê, Dua bang li wan kir ku dakevin qadan û sûcên li dijî jinên îranî pêk tên, eşkere bikin. Dua diyar kir ku malperên sosyal medyayê dikarin bibin cihê ragihandina azarên rastîn ên jinên îranî û ragihandina wêneya rast a hovane ya rejîma Îranê û têkoşîna wan li hemberî wê.[1]