Çalakiya konvedanê ya li #Hesekê# ya ji bo şermezarkirina êrişên #dewleta Tirk# a dagirker di roja duyemîn de dewam dike.
Hêrs û nerazîbûnên li hemberî êrişên bi çekên kîmyewî yên dewleta Tikr a dagirker ên li ser Herêmên Parastinê yên Medyayê û Bakur û Rojhilatê Sûriyê dewam dikin.
Komîteya Çalakiyan a Meclisa Kantona Hesekê duh bi beşdarbûna bi dehan endamên saziyên sivîl û nûnerên Rêveberiya Xweser a Bakur û Rojhilatê Sûriyê konê çalakiyê li qada Suyran a taxa Nasira ya bajarê Hesekê veda.
Di roja duyemîn de şandeyên ji endamên Komîteya Perwerde û Fêrkirinê ya Rêveberiya Xweser, nûnerên Kongra Star û meclisên kantona Hesekê herikîn bin kon.
Wêneyên gerîlayên di êrişên bi çekên kîmyewî yên dewleta Tirk a dagirker de şehîd bûn, alên Kongra Star, TEV-DEM, Hêzên Ewlekariya Hundirîn û QSDʹê bi konê ve hatin daliqandin.
Endama rêveber a Komîteya Çalakiyan a Meclisa Kantona Hesekê Êva Ebdulkerîm axivî, êrişên dewleta Tirk a dagirker ên bi çekên kîmyewî yên li dijî gerîlayan li Herêmên Parastinê yên Medyayê şermezar kir û got: Armanca van êrişan qirkirina gelê Kurd e.
Êva Ebdulkerîm bang li gelê Kurd kir ku li hemberî siyasetên qirkirin û dagirkirinê yên dewleta Tirk a dagirker rabin.
Endama Rêveberiya Giştî ya Dibistanan a Kantona Hesekê Nesrîn Mecdel îşaret bi êrişên dewleta Tirk a dagirker ên li ser Bakur û Rojhilatê Sûriyê û hedefkirina fermandaran bi balafirên bê mirov ên biçek kir û diyar kir armanca dewleta Tirk ew e ku projeya Rêveberiya Xweser têk bibe û îradeya gelan bişkîne.
Nesrîn Mecdel banga şopandina xeta şehîdan ta pêkanîna serkeftinê û misogerkirina azadiya fîzîkî ya rêber Abdullah Ocalan kir.
Çalakî wê îro êvarî bi daxuyaniyekê bi dawî bibe.[1]
ANHA
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (Kurmancî) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە 2,347 جار بینراوە
ڕای خۆت دەربارەی ئەم بابەتە بنووسە!