گوندێکە، کەوتووەتە شارەدێی #بنگرد#، شارۆچکەی دوکان، پارێزگای #سلێمانی#.
مەرگە دەکەێتە ناو شیودۆڵەکانی چیاکانی ئاسۆس لە ڕۆژهەڵاتی دەریاجەی دوکان. شاخی قەڵاتەڕەش لە ڕۆژهەڵات وە شاخی کۆلارە لە باکوور و شاخی گەورەقەڵا لە ڕۆژئاوا وە شاخی بەردەقەڵیشت لە باشوور دەوری گوندەکەیان داوە. مەرزی گوندوکە هاوسنوورە لە باکوور لەگەڵ گوندەکانی سۆفیان و سەرچیا و لە باشوور لەگەڵ گوندەکانی پاشکیش و هەنجیرە و لە ڕۆژهەڵات لەگەڵ گوندەکانی هەڵۆنە و بیوەکە و لە ڕۆژاوا لەگەڵ گوندەکانی بنگرد و سێناجیان و واتێ و خۆشاو. مەرگە کانیاوی زۆری هەیە و پلەی گەرمی ئاوەکانی جیاوازە. کانیاوەکان خڕی مەرگە درووست دەکەن کە لافاوەکانی بە مەزرایەکانی شارەدێی بنگرد و گوندی بێموشەدا لە ڕۆژئاوای گوندەوەدەڕژێتە دەریاچەی دوکانەوە. لە چیاکانی مەرگە داری بەڕو زۆرە وە لە بەراوەکانیشیدا مەرگە بەناوبانگە بە دارگ هەنجیر وە هەنار. وە داری مێو گوێز و میوەی تری زۆری هەیە. بەرهەمی سەرەکی کشتوکاڵ لەگەڵ میوەی هەنجیر و هەناردا، گەنمە کە لە پێدەشتەکانی مەزرای گوندەکە لە دەشتی مەرگە لە ڕۆژهەڵاتی دەریاچەی دوکان بە سوود لە ئاوی باران بەرهەم دێت. [1]