ناوی یاری: ئەستێرە پەنگەستێرە
بۆ ڕەگەزی: نێر
بۆ تەمەنی: منداڵ
لەبەینی 4 تا 10 منداڵ یاریەکە ئەکرێ، لە تەمەنی 8 تا 12 ساڵیدا، هەموو بازنەیی بەرامبەری یەک دا ئەنیشن و وە پێیەکانیان بۆ پێشەوە درێژ ئەکەن یەکێکیان لە بەینی هەموویاندا بەپێوە ئەوەستی لە جیگای خۆیەوە ئەخولێتەوە ئەڵێت:
$ئەستێرە پەنگەستێرە$
$ئاگرەکی باوی تێرە$
لە پڕ خۆی ئەخاتە خوارەوە بۆ سەر منداڵەکان ئەوانیش بە پێ لەقە لێی دەدەن هەر یەکەیان و لەخۆی دوور دەخاتەوە لەدواییدا کەوتە سەر کامیان و پێی دەر نەکرێت لەسەر پێیەکانی ئەویان تێ ئەکەوێت لە جێگای منداڵەکەی پێشوودا لە ناوەراستا ئەوەستێ و ئەسوورێت وەکو منداڵەکەی پێشوو هەتا یەکێکی تر تێ ئەکەوێت و خۆی ڕزگار ئەکات و منداڵە تێکەوتووەکە جێگای ئەگرێتەوە. [1]