دلبەرێ من سەحەرێ هات ب تۆخ و ب یەدەک
سەد یەدەک بوون د بەری تێک ب سنجاب و وەشەک
بە ئەدەب چوومە تەوافێ ب زیارەت کەف و پا
«قالَ: يا عاشِقُ و هاتيکَ يَدی هاتِ يَدَکْ»
دل و جان هەر دو م دانێ کو ئجازەت ژ مە خوەست
«قُلتُ: أسْتَوْ دِعکَ الْباری اللهُ مَعَکْ»
تە دڤێ ساف و زەغەل ژێک ڤەدی تەجربە کە
دا عیاری ب تەمامی بنومیتن تە مەحەک
دەورێ زولفا تە موسەلسەل ب نەزەر حەل کو نەبت
نەزەرێ سافی دنێ سەر ددەرت نوقتەیێ شەک
ئاهووا من نەکو ڕەنجەک تە ب خاتر بگەهت
ب خودێ کی تە کو ئەو سەگ ب خودی هات مەسەک
ب ئەڤینی مەلەک و چەرخ و فەلەک تێنە سەما
ڕەوشەنن تێک ب مهرێ ژ سەما تا ب سەمەک
نەکو پەیوەستە ب یەک بن ژ سوڕێ عشقێ دو ڕووح
دێ ب ئەشباحێ ببن واسل و پەیوەستە ب یەک
ژ موسەممایێ عەدەد و کسرەتێ ئەسما تو مەبین
زەید و عەمرێن مە حەتا چەند دو نینە یەک و یەک
چ فەساحەت ب مەلاحەت وە ددێری تو مەلا
ئەڤ ئەدایا تە د شعرێ وە شرینە و ب نەمەک
#مەلای جزیری# [1]