شوێنەوارناسێکی دیاری ئیدارەی ڕاپەڕین دەستنووسێکی مێژوویی دەست خستووە کە مێژووەکەی بۆ زیاتر لە 300 ساڵ پێش ئێستا دەگەڕێتەوە.
سمایل نوورەدینی، شوێنەوارناسی دیاری ئیدارەی ڕاپەڕین بە (باسنیوز) ڕاگەیاند: ئەو دەستنووسە 335 ساڵ بەر لە ئێستا بە زمانی عەرەبی باسی مێژووی سەرکەوتن و تێکشکانەکەی (سلێمان پاشای #بابان#) دەکات کە ویستوویەتی سنووری (سلێمانی) بۆ (سنە) یەک بخات''.
گوتیشی: کۆتاییەکەی بە دەستنووسی (شێخ ئیبراهیم) لە ساڵی 1109ی کۆچی نووسراوە لە کاتی زاڵبوونی کورد بەسەر قەڵای (هەورامان و میهرەبان و جوانڕۆ)دا''.[1]