باخچێوە بېگەرد
نویستەی: میرزا ئۆلقاڎری پاوەی
بەشۍ حەڤڎەهەمە
ئەچی بەشەنە میزا ئۆلقاڎر مەیاۊو دمای سەردەمو خەلق بیەو ئادەمی، کە سەردەمو ئیبلیسین، چا وەختەنە داواش وەنە مەکەران هەکە سوجدە بەرۊن پەی ئاڎەمی، بەڵام ئاڎ جە وېبایی و وۍ بەزلزانیش ڕاش نمەڎۊ پەنە:
ئیبلیس چەو دەمدا، خەیلێ بوزورگ بی
هەر چن مەزاجش، مەزاجی گورگ بۍ
حەفتا هەزار ساڵ، خوڎا چوون یەک شەو
خەزانەی بەهەشت، گشت بەخشا بە ئەو
عەزرائیل یەعنی ساحیب عیزەت بۍ
جە بارەگای حەقق، پەڕ مەکرومەت بۍ
هەم هەشت هەزار ساڵ گەورە پاکان بۍ
ئوستادی تەدریس، مەلایکان بۍ
حەفتا هەزار ساڵ، خوڎا چوون یەک شەو
خەزانەی بەهەشت، گرد بەخشا بە ئەو
عەزرائیل یەعنی ساحیب عیزەت بۍ
جە بارەگای حەقق، پەڕ مەکرومەت بۍ
هەم هەشت هەزار ساڵ، گەورە پاکان بۍ
ئوستادی تەدریس، مەلایېکان بۍ
هەزار ساڵ، تەواف دەوری عەرشش کەرد
هەزار ساڵ، تەعلیم، ئەهلی فەرشش کەرد
پەنجا هەزار ساڵ، هەم جە کېوان بۍ
گەورە ڕۊحانی، کەڕ و بەیان بۍ
ئیسمی ئەعزەمش، دایېم نە دڵ بۍ
نیازش یەک یەک، تەمام حاسڵ بۍ
تا ئەو ڕۊ، قەییوم، قەدیمی مەعبوود
ئادەم جە عەدەم، ئاوەرد بە وجوود
ئەمجار ئەمەش کەرد، پادشای بۍ عەیب
وە موقەڕەبان، مەحرەمانی غەیب
گردین وە یەک جار، گشت وە یەک قەدەم
سوجدە بەردشان، یەکسەر وە ئادەم
گرو بی تەمام، وە شادمانی
حاملانی عەرش، گروی ڕوحانی
حەقق فەرما، ئیبلیس، دەهەندی داوەر
تۊ هەم سوجدە بەر، وە ئەبولبەشەر
شەیتان کیبرش کەرد، جە گومڕاهی وېش
نەلەخشا، نە جا، نەکەردش ئەندېش
واتش: من جە نار، ئەو جە خاک بیەن
سوجدەی من، وە ئەو موناسیب نییەن
تەکەبور شېونا، بازاری شەوقش
بی بە تەکەببور، سەرمایەی تەوقش.[1]