داستانۊ شېخی سەنعانی
بەشۍ یاڼزەهەمە
دمای ئانەی کە موریدەکۍ شېخی سەنعانی جە مۊچیاریشان پەی شېخیشان، هیچشان سەوز نەکەرد، بۍ ئۊمېڎۍ بیۍ چەنەش و جیاشائاست.
ئیتر شېخی سەنعان عەشقی پەلکېش کەرد پەی وەردەمو تەرسای گاۋرۍ و کەوت پیاڎەکەردەی شەرتەکا تەرسای گاۋرۍ. جامی مەیش گېرت نەدەس و ڕووەش کەردە بتخانەی و قلۊرەش بەردە پەی پەیکەرو عیسای، دمایېچ بی به شوانەو خووگا پەی ماوەو چن ساڵا.
شېخ دیی، کە یاران، جە لاش بین ڕەوان
کېشا لە بەها، بادەی ئەرغەوان
هەرچەند خەلایق، کەردشان مەنا
قەولی کەس نەکەرد، قورئان سۊچنا
دینی تەرسا گرت، وەرنەدا، نە مشت
ڕوو کەرد وە قاپی کلیسا و کەنیشت
لووا، وە پای (بت)، سوجدەش بەردەوە
ماڵاش، بە گۊنای، ڕەنگی زەردەوە
واتش: جە خوڎای گەردوون ویەردم
ڕوو نە ئاستانەی بتان، ئاوەردم
ئەرسەد من عاسیی، شەرمە سارەنان
پەی دییەی دولبەر بۍ قەرارەنان
مەبۊ، جەلاشان، موراد بۊ حاسڵ
هیجرانی دووریش، نەبەروون وە گڵ
ئېد واتش خەرقەش، جە بەر کەندەوە
پەخش دا، بە لا، تەسبیح شەندەوە
دڵ بەستش وە بت، بەرشیی نە ڕای دین
ڕەهبانان، جە شېخ، کەردەن ئافەرین
زننارش بەست، وېنەی ڕەهبانان
زار زار مەگرەوا، نە پای، بتخانان
بەرشیی، جە میللەت خوڎای ڕەببانی
یەخەش دا، وەلا، وېنەی نەسرانی
مەناشان مەکەرد، جە ئاهو زاری
کەردشان، چەنی خووگی پەرواری
تا وادەی حەفت ساڵ، شوانی مەکەرد
دایېم، مەکېشا، هەناسانی سەرد
شوانی مەکەرد، تا بە خورئاوا
مەشی بەیانان، پەرێ ماڵئاوا
دوڵبەر بەو لەنجەی بێ ئەندازەوە
سەنعانش مەنیا، بە ڕووی نازەوە
دوڵبەر بەو لەنجەی خەرامانەوە
سەنعانش مەنیا بە ڕووی خوانەوە
ڕۊ چەنی خووگان، شەو نە پای حەسار
زار زار مەگرەوا، جە هیجرانی یار
چند ساڵ، بەی دەستوور سەنعان دا بەسەر
مەستی(لا یعقل) جە عیشقی دوڵە.[1]