ئەبێت بەو ئاواتەوە بمرن کە خیانەت و تاوان و گەندەڵی لە ئێمە ببینن و حەدی ئەوەشتان نیە بتوانن ناوی ئێمە پیس بکەن وەکو ئەو چەپەڵی و خیانەتکاری و دەست و داوێن پیسیەی خۆتان.
ئێمە سەربەرز و بێ منەت ژیاوین و هەر واش دەمێنینەوە، خۆ ئێمە وەکو ئێوە نین خیانەتی 16ی ئۆکتۆبەرمان کردبێت، خیانەتمان لە حزبەکەی خۆمان کردبێت و لە دەرەوەی حزب بەرەی ناڕازیمان دروستکردبێت، دەستمان بۆ ناموس و عەیبدار کردنی خەڵکی مەدەنی بردبێت، دەستمان بۆ دزینی داهاتی گشتی خاڵە سنوریەکان، دزینی پارەی حزبەکەی خۆمان، فرۆشتنی موڵکی گشتی، قاچاخچێتی، هاوردەی مەشروب، دەرمان و مادەی هۆشبەر، ئافرەتی سۆزانی، هەرچی موادی بەسەرچووە و زۆر شتی تر بردبێت، لە کۆتایشدا بەو هەموو شەقاوە و هاشو هوشەوە نەتانتوانی هیچ بەرگریەک لە خۆتان بکەن و بەبێ تەقە تەسلیم بوون.
باش بیرتان بێت ئێوە لە لوتکەی دەسەڵاتدا بوون، بەو هەموو هێزی تایبەتی سەربازی و چڵکاو خۆرەتان لە سنوری ئێمە، بەو هەموو پیلانگێڕی و میدیا و مادە زۆرەوە نەتانتوانی ئێمە لەکەدار و تەسفیە بکەن، ئێستا بەو پەڕوباڵ کراویەتانەوە لەگەڵ چەند کەسێکی بەناو ناڕازی و چەند پەرلەمانتارێکی هەڵهاتوو لە #بزووتنەوەی گۆڕان#، بە چەند سایت و پەیجێکی فەیکەوە کە جگە لەوەی تەنها وەکو مێشولەیەک گیزە گیزتان ناخۆشە ئەبێت چی بن و چیتان پێ بکرێت. [1]
#عەبدوڵڵا کوێخا موبارەک#
#16-09-2022#
Este artículo ha sido escrito en (کوردیی ناوەڕاست) Lenguaje, haga clic en el icono de
para abrir el artículo en el idioma original!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Este artículo ha sido visitado veces 1,070