Şêniyên navçeya #Til Birak#ê sersaxî dan malbata şehîd Samir Berxeş ê ku di Pêngava Mirov û Ewlehiyê de li kampa Holê şehîd bûbû.
Bi dehan şêniyên navçeya Til Birak, Meclisa Malbatên Şehîdan, nûnerên saziyên Rêveberiya Xweser û saziyên civaka sivîl çûn gundê Şîhe yê rojavayê navçeyê û sersaxî ji malbata şehîd Samir Berxeş re xwest.
Di merasîma sersaxiyê de, hevserokê Meclisa Malbatên Şehîdan a navçeya Til Birak Şuca El Hasir axivî û got: “Em bi şehadeta şehîdên xwe serbilind in ku ji bo parastina ax û welatê xwe canê xwe feda kir.”
Piştre endama Nivîsgeha Partiya Yekitiya Demokratîk (#PYD#) Efaf El Salih axivî û got: “Em bejna xwe li ber giyanê şehîdên xwe ditewînin ku canê xwe yê pak feda kir û bi xwîna xwe ya bêhna azadiyê jê tê, axa vî welatî av da.”
Di merasîma sersaxiyê de, nûnerên saziyên sivîl û leşkerî jî axivîn, rola şehadetê û şehîdan silav kir û soza şopandina rêya şehîdan da.
Şehîd Samir Berxeş şervanê Hêzên Sûriya Demokratîk (QSD) bû û di 8`ê Îlonê de di Pêngava Mirovî û Ewlehiyê de li kampa Hol şehîd bû.
(dm)
ANHA
[1]