ئەڤرۆ نیۆز،عەزیز ڕەسۆل هەورامانی:
ئەڤ شەڤە و دەمژمێر 9:30 خۆلەک دو کەسان ب نارنجۆکان هێرش کریە سەر مزگەفتا ب هەشت کو مزگەفتەکا سەلەفیانە و بەرپرسێ سەلەفیان کو دکتۆر عەبدولەتیف سەلەفی و سێی کەسێن دی برینداربووینە و برینا ئێکێ یا سەختە و بریندار هاتینە ڕەوانەکرن بۆ نەخۆشخانا هەوارهاتنێ ل #سلێمانی#ێ و نوکە یێ چارەسەریێ وەردگرن.
ل دووڤ زانیاریێن ئەڤرۆ نیۆز عەبدولەتیف ئەحمەد ژی یێ بریندارە و کو ب سەرکردێ سەلەفیێن کوردستانێ دهێتە نیاسین.
کەسێن نێزیکی ڕوودانێ ڕادگەهینن:کو دو کەسان نارنجۆک هاڤێتینە ناڤ وێ مزگەفتێ و دووڤدا تەقەکریە و ڕەڤینە.
د.میران محەمەد ڕێڤەبەرێ ساخلەمیا سلێمانیێ بۆ ڕۆژنامەڤانان ڕاگەهاندیە کو برینێن برینداران د سڤکن و نوکە دهێنە چارەسەرکرن.
بۆ زانباریێن زێدەتر ئەڤرۆ نیۆز پەیوەندی ب سەرکەوت ئەحمەد پەیڤدارێ پۆلیسێن سلێمانیێ کر،بەلێ بەرسڤ نەدا.[1]