Desteya Rêveberiyên Herêmî û Jîngehê ya Rêveberiya Xweser bi rêya daxuyaniyekê gelek projeyên xizmetguzariyê ku li herêmên cuda yên Bakur û Rojhilatê Sûriyê di pratîkê de ne eşkere kirin.
Desteya Rêveberiyên Herêmî û Jîngehê ya Rêveberiya Xweser a Bakur û Rojhilatê Sûriyê li cihê sererastkirin û qîrkirina rêya Hesekê ya bi rêya M4 ve tê girêdan, bi beşdariya cîgira hevserokatiya desteyê daxuyaniyek da.
Cîgira Hevserokatiya Desteya Rêveberiyên Herêmî û Jîngehê Medya Bozan daxuyanî xwend.
Di daxuyaniyê de wiha hate gotin: Ji dema Rêveberiya Xweser hatiye damezrandin û heta niha, dest bi projeyên xizmetkirina gelê Bakur û Rojhilatê Sûriyê kir, tevî ku êriş û gef berdewam in. Daîreya Pîşeyî ya Desteya Rêveberiyên Herêmî û Jîngehê planên stratejîk ên 2022´an danîn; mîna rêyên navendî.
Desteyê di daxuyaniya xwe de bal kişand ser projeya rêya Hesekê bi ya M4 ve tê girêdan û ev tişt tê de hate gotin: Desteyê dest bi qonaxa duyemîn a sererastkirina projeya rêya ku Hesekê bi rêya M4 ve girê dide kir; ji gundê Beko heta bi çata bi ser M4 ve. Dê rê were rêşkirin û bi dirêjahiya 16 kîlo metre û kêmberiya 9 metreyan were qîrkirin. Lêçûna wê 350 hezar dolar e.
Desteyê li ser vê projeyê di daxuyaniyê de ev tişt anî ziman: Ev proje ji plana Daîreya Pîşeyî ya desteyê amade kiriye ku rêyên sereke sererast bikin. Da ku zextê li ser komîte û desteyên şaredariyan ên li kanton û herêman sivik bikin û ji bo pêkanîna xebatan li bajar û bajarokan vala bibin.
Desteyê hin projeyên girêdayî rêyên sereke ku hîna di pratîkî de ne eşkere kirin; ji wan jî projeya rêya Seêdiyê, Um Cilod ên li Minbicê bi dirêjahiya 11 kîlo metre û kêmberiya 7 metreyan, projeya rêya Madroda ya rojhilata Reqayê bi dirêjahiya 32 kîlometre û kêmberiya 7 metreyan, rêya Til Semin û Hezîme ya bakurê Reqayê bi dirêjahiya 10 kîlometreyan, rêya otostrad a ku Qamişlo û Dêrikê bi hev ve girê dide, rêya Qamişlo û rêya M4 ya bi dirêjahiya 10 kîlo metreyan.
Desteyê bi rêya daxuyaniyê bal kişand ser ku ew projeya pira Bêrûtî ya li Hesekê ya li navenda kantonê lêkolîn dike û gelek planên stratejîk ên girêdayî rêyên sereke û pireyan lêkolîn dikin, da ku asta beşa xizmetguzariyê baş bikin.
(fr)
ANHA
[1]