Tevgera Hîlala Zêrîn bi hevkariya Komîteya #Çand# û Hunerê ya kantona #Hesekê#, 10 beşdarên pêşangeha şêwekariyê xelat kirin ku bi armanca pêşxistina behreyên jinên ciwan û zarokan li dar ketiye.
Tevgera Hîlala Zêrîn a Çanda Jinan bi hevkariya komîteya Çand û Hunerê ya kantona Hesekê bi armanca pêşxistina behreyên jiên ciwan û zarokan pêşangeha şêwekariyê Bi dirûşma “Afirîner îsrar û îradeyê diafirînin” li dar xist.
Dayîka du şehîdan Bengîn û Hozan Xezale Dawûd pêşangeh vekir ku tê de malbatên perwerdekeran û endamên Navenda Çand û Hunerê ya kantona Hesekê beşdar bûn.
Di destpêka pêşangehê de endama rêveber a Hîlala Zêrîn Yasmîn Xelîl wiha axivî: “Em lidarxistina vê pêşangehê li hemû beşdarên ku perwerde dîtine pîroz dikin û di qonaxa duyemîn a piştî vê qonaxê de serkeftinê ji wan re dixwazin.”
Piştre, berdevka Komîteya Çand û Hunerê ya kantona Hesekê, Efaf Hesekê wiha anî ziman: “Dewleta Tirk a dagirker hewl dide bi hemû awayan jin û zarokên me hedef bigire; lê çiqas hewl bide jî ew ê berxwedana me têk nebe û em ê bi çand û zanabûna xwe hemû cureyên dagirkeriyê têk bibin.”
Piştî bidawîbûna axaftinan bawername li perwerdekerên pêşangehê ji aliyê şêwekar û perwerdekara Hîlala Zêrîn Canda Ebdulqadir ve hatin belavkirin.
Canda Ebdulqadir ji ajansa me re wiha axivî: “Me ev pêşangeh ji bo xwedîderketina li behreyên jinên ciwan û zarokan û pêşxistina wan li dar xist. Îro 10 hunermend piştî 9 meh ji perwerdekirina wan li ser zirîç û textê, hatin xelatkirin.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (Kurmancî) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە 1,492 جار بینراوە
ڕای خۆت دەربارەی ئەم بابەتە بنووسە!