بەڕێوەبەرایەتی گشتی شوێنەوار و کەلەپوور ڕایدەگەیەنێت کە کارکردن لە نۆژەنکردنەوەی قشڵەی #ئاکرێ# دەستی پێ کردووە و بەردەوامە.
بەڕێوەبەرایەتی گشتی شوێنەوار و کەلەپوور، لە پەیجی تایبەتیی خۆیان لە تۆڕی کۆمەڵایەتی (فەیسبووک) هەواڵی کارکردن لە قشڵەی ئاکرێیان بڵاو کردۆتەوەو نووسیوویانە: بە سەرپەرشتی بەڕێوەبەرایەتی گشتی شوێنەوار و کەلەپوور بەڕێوەبەرایەتی شوێنەوار و کەلەپووری ئاکرێ بە هەماهەنگی بەڕێوەبەرایەتی شوێنەوار و کەلەپووری #دهۆک# کاری نۆژەنکردنەوەی #قشلە#ی ئاکرێ بەردەوامە.
ئاماژەیان بۆ ئەوەشکردووە کە قشڵەی ئاکرێ، یەکێکە لە بینا کەلەپووری و شوێنەوارییەکانی شارۆچکەی ئاکرێ، کە لەسەر بوودجەی داهاتی وەزارەتی شارەوانی و گەشتوگوزار نوژەن دەکرێتەوە. وەک قوناغی یەکەمیش بڕی (166، 128، 700) پارەی بۆ تەرخان کراوە و و بە تەواوکردنیشی دەبێتە هۆی زیاتر بوژاندنەوەی کەرتی شوێنەوارو گەشتوگوزار لەم دەڤەرەکە.
ئامادەکردنی: #سارا سەردار#
[1]