رێژین حکمەت
تە ئەز کێشامە نڤیسینێ و
من بۆ تە ل هەر پەیڤا جوان دگەرییا
تو ئه و کەس بووی
د شەڤ و ڕۆژەکان دا
د ئەشقا خوە دا مەستکریم!
و هەمی تشتێن من و هەر تشتێ ب من ڤە گرێدایی
کریە خواستەکا حەزێن خوە و
تە ئەز ڕاکێشی ژیانێ کرم.
ژیان ل گەل ب تامە
بێ تە هەر تشتەک تارییە
نەخوەشییە
دنیا زیندانە…
مرنا ب ساخییە!
ما تە دگوهێ من دا نەدکرە گازی
تە دگۆت:
گڕنژینا تە دنیایێ ئاڤا دکەت
دێ بگڕنژە!
ئه و گڕنژین ژی بوویە خەون خیال
دنیا وێران بوو
دبیت د ڤەهاندنێ دا شارەزا نەبم
د گۆتنێ دا دەنگبێژ نەبم
بەلێ ئەز بەهرەمەند بووم
د دورستکرنا بیرهاتنان دا
ل گەل تە
ئه و ڕۆژێن دەستێ مە تێکدا
کەنیا مە باژێر داگیرکربوو
کەیف کەیفا مە
عەور و ستێرا
سەما ل گەل مە دکر!
ژبەر خوەشیا ئەم کەتین تێدا
هەیڤ ڕۆژ ل گەل ئێک دەرکەڤتن
گوڤەند ل گەل مە گرێدان!
چاڤ ژ ڕۆناهی یێ ڕاوەستییان
هندی من بەرێ خوە دا جوانییا تە
دەستێن من پێتی بوون
هندی ئەز بۆ تە دنڤێسم
بۆ تە د ڤەهینم، ڕۆژەکێ زارۆکێن مە دێ خوینن
بۆ جیهانێ دێ کنە داستان
دێ ڤەهینن
دا ئەشڤا مە وەک مەم و زینا
فەرهاد و شرینا،خەج و سیامەندا
پشتی مرنێ ژی ل دیوانا ڤەگێرن
چیرۆکا سەر دەڤ بیت
گەنج و پیر و کال
بێژن مرنێ ژی ئه و ژ ئێک دوور نەکرن.[1]