مارێک لەناو حەوزێکدایە، گوڵێکی بەدەمەوەیە، مارەکە ئاوەکە دەخوا، گوڵەکەش مارەکە دەخوا.
حەوز و ئاو لەناو گوندەکاندا جگە لە ئاودێری بۆ پشوودانیش بەکاردێت، لە وەرزی هاویندا، مار بۆ خۆفێنککردنەوە دەچێتە ناوی، لە مەتەڵەکەدا مار و حەوز بە چرای نەوت و پڵیتە چووێنراوە، گوڵێکی بەدەمەوەیە مەبەست لە پڵیتەیە کە دادەگرسێت، ئاگری پڵیتە بە گوڵ چووێنراوە، (لە ئەفسانەی کوردیدا، گوڵی نەیلۆفەر هەیە، گوڵێکی ئاگرینە و یەکێکە لە پیرۆزییەکانی ئایینی میترا) پڵیتەکە نەوت دەمژێ و ئاگرەکەش لەسەرەوە دەسووتێ. وەڵام (چرا) . [1]