Navê pirtûkê: Şerên Sasûnê
Navê nivîskar: Osman Sebrî
Cihê çapkirina pirtûkê: Beyrût –Libnan
Navê çapxaneyê: : Emîral
Sala çapê: 2005

Piştî têkçûna şoreşa şêx Seîdê Pîran di sala 1925an de, li çiyayên Sasûnê agirê serhildanê bi destê têkoşerên mala Eliyê Yûnis (Qewmên çiyê) roj bi roj gûrtir û xurtir dibû. Li dirêjahiya sêzde salan (1925-1937) şerê wan li hemberî Tirko berdewam dikir. Tirko wekî hercar bi destekî hesinî, bi tang, bi top û bi balafiran şerê vê serhildanê dikir. Di van şeran de xelkên çiyayên Sasûnê gelek qurbanî û fedakarî dane, û gelek mal û mulk winda kirine. Lê, qet radestî li ber zor û setemkariya dijminê gelê xwe nekirine. lewra dastanên mêranî û lehengiyê di dîroka gelê xwe de afrandine. Ev dastane ta bi roja îro li ser
zimanê dengbêj û stranbêjên gelê me bi serbilindî têne gotin. Kêmzêde di hin quncikên pertûkan de nivîskarên me jî nemerdî nekirine û li ser şerên Sasûnê nivîsandine. [1]