بنی بییە، سەری شاخە
ناوی ئاسنە، پڕ لە زاخە
مەبەستی مەتەڵەکە خەنجەری کوردییە، بنی بییە مەبەستی کێلانی خەنجەرە کە لە داری بی درووست دەکرێت، سەری شاخە واتە: دەسکی خەنجەر لە شاخی ئاژەڵی کێوی درووست دەکرێت، ناوی ئاسنە واتە: دەمی خەنجەرەکە لە ماددەی ئاسن درووست دەکرێ، پڕ لە زاخە واتە: کێلانی خەنجەر کە دەمی خەنجەری دەچێتەناو، زاخ یان تووتنی تێدەکرێ، بۆ ئەوەی دەمی خەنجەرەکە خراپ نەبێت و ژەنگ نەکات. وەڵام (خەنجەر) . [1]